Jumladan, tumandagi «Do‘stlik», «Olmazor», «Duoba», «Shaffof» va «Muzrabot darvoza» mahallalari «qizil» toifaga kiritilgan. Ushbu hududlarda kriminogen vaziyatni barqarorlashtirish va jinoyatchilikning barvaqt oldini olish uchun hamkorlikdagi mutasaddi xodimlar tun-u kun xizmat qilishmoqda. 

– Mahallalarda ijtimoiy profilaktikani tizimli yo‘lga qo‘yishga alohida e’tibor qaratilayapti, – deydi tuman IIB JTSG katta inspektori, kapitan Qahramon Mo‘minov. – Misol uchun, tumanning «Shaffof» mahallasida tungi o‘rganishlar olib borildi. Mahalla hududi­dagi ko‘chalarni yoritish chiroqlari bilan ta’minlash, aholi turarjoylari va savdo nuqtalariga kameralar o‘rnatish choralari ko‘rildi. Aniqlangan kamchiliklar bo‘yicha «mahalla yettiligi»ga vazifalar yuklatildi. Mahallada «Namunali xavfsiz ko‘cha» va «Namunali xavfsiz yo‘lak»lar tashkil etilmoqda. 

Bundan tashqari, «Shaffof» mahallasi hududiga shaxsni tanib oluvchi va avtotransport vositalarining raqamini identifikatsiya qiluvchi 4 ta maxsus kamera o‘rnatildi. Aholi yashash xonadonlariga esa fav­qulodda holatda xabar berish uchun mo‘ljallangan «SOS» tugmalari o‘rnatilmoqda. 

«Qizil» toifadagi har bir mahallada huquqbuzarlik va jinoyat sodir etishga moyilligi bor yoki bundan jabrlanish ehtimoli yuqori bo‘lgan shaxslar bilan individual tarzda suhbatlar olib borilayotir. Jarayonda fuqarolarning muammolari aniqlanib, ular bo‘yicha mahalla faollariga profilaktika inspektorlari tomonidan 

47 ta xulosa berildi. Xususan, nizoli oilalarni yarashtirish, ishsizlarni ish bilan ta’minlash, o‘quv kurslariga jalb qilish choralari ko‘rilyapti. Shuningdek, profilaktika inspektorlari bilan hamkorlikda jinoyat va huquqbuzarliklar sodir etish va jabrlanish ehtimoli yuqori bo‘lgan shaxslarning ijtimoiy-maishiy muammolari ham joylarda o‘rganilib, bartaraf etilmoqda. 

Feruza Rahmonqulova,

o‘z muxbirimiz.

Surxondaryo viloyati.