Probatsiya nazoratiga olinib, kasb-hunar egallashga undash hamda jamiyatda o‘z o‘rnini topishga ko‘maklashish ham mahkumlarning o‘z xatolarini tuzatishga berilgan imkoniyat, aslida. 

Xatirchi tumanida probasiya nazoratidagi shaxslarning muammolarini o‘rganish maqsadida qator tashkilotlar mutasaddilari ishtirokida sayyor qabul tashkil etildi. Muloqot davomida mahkumlarning moddiy, ijtimoiy hamda tibbiy masalalar bilan bog‘liq muammolari o‘rganilib, hal etish yuzasidan tegishli mas'ullarga topshiriqlar berildi. 

Shu kuni sayyor sud yig‘ilishi ham bo‘lib o‘tdi. Unda tuman IIB JXX Probatsiya guruhi nazorati ostidagi mahkumlar bo‘yicha kiritilgan taqdimnomalar ko‘rib chiqildi. Belgilangan tartib-qoidalarga qat'iy amal qilib, xatolaridan to‘g‘ri xulosa chiqargan 8 nafar mahkum jazodan muddatidan oldin shartli ozod etildi. G‘ozg‘on shahrida ham probasiya nazoratidagi 10 nafar maxkumga nisbatan ham xuddi shunday insonparvarlik dalolatnomalari qo‘llanildi. 

Mahliyo XOLOVA,

o‘z muxbirimiz.

Navoiy viloyati.