09 Mar 06:34

Manba: xs.uz

Turkiyada fohishalikka majburlangan ikki oʻzbekistonlik qiz qutqarildi

Qayd etilishicha, Toshkent viloyati IIBB tezkor xodimlari tomonidan Oʻzbekiston Respublikasi Tashqi ishlar vazirligi hamda Turkiya Respublikasi huquq-tartibot organlari bilan hamkorlikda tadbir oʻtkazilgan. Natijada bir necha fuqarolarning 'odam savdosi' qurboni boʻlishining oldi olingan.

Dastlabki surishtiruvlarga koʻra, Olmaliq shahrida yashovchi ikki ayolga hozirda Turkiyada istiqomat qilayotgan 'Shahnoza' ismli tanishi qizlarini ushbu davlatga yuborishini, ularni oʻzi kutib olishini va yaxshi daromad topishlariga yordam berishini vaʼda qilgan. U qizlarni 'yuz massaji' yoʻnalishida ish borligi bilan ishontirgan, biroq qizlardan shahvoniy maqsadda foydalanishni koʻzlagan va ularning Oʻzbekistondan Turkiyaga borish uchun aviachipta va boshqa moddiy xarajatlarni qoplab bergan.

19 yoshli ikki qiz joriy yilning 6-fevral kuni Toshkent xalqaro aeroporti orqali Turkiyaning Anqara shahriga, soʻng Konya viloyatiga yetib borgan. Ularni kutib olgan uch nafar shaxs (Turkiya va Oʻzbekiston fuqarolari) shu zahotiyoq qizlarning pasportlarini olib qoʻygan.

Shundan soʻng, ularni intim xizmatlar koʻrsatuvchi xonadonga olib borib, erkaklarga intim xizmat koʻrsatishga majburlagan. Qizlardan biri bunga rozi boʻlmagani uchun kaltaklangan va unga ruhiy hamda jismoniy tazyiq oʻtkazilgan. Ularni yopiq sharoitda saqlab, takroriy qarshilik koʻrsatishsa, oʻldirish bilan tahdid qilishgan.

Mazkur holat yuzasidan Toshkent viloyati IIBB tezkor xodimlari tomonidan 12-fevral kuni olingan maʼlumotga asosan Oʻzbekiston Respublikasi Tashqi ishlar vazirligi hamda Turkiya Respublikasi huquq tartibot organlari bilan hamkorlikda olib borilgan tezkor tadbirlar natijasida 2005-yilda tugʻilgan ikki qizni Vatanga qaytarilishiga erishilgan. Qizlar zudlik bilan reabilitatsiya markaziga joylashtirilgan.

Shuningdek, qizlarni aldab chaqirtirgan va ularni shahvoniy ishlarga jalb qilgan shaxslar Turkiyada hibsga olingan. Mazkur holat yuzasidan Oʻzbekiston fuqarosi, 1987-yilda tugʻilgan (Sh.J.) ayolga nisbatan Jinoyat kodeksining 135-moddasi 2-qismi bilan jinoyat ishi qoʻzgʻatilgan. Hozirda ushbu shaxsni Oʻzbekistonga ekstraditsiya qilish choralari koʻrilmoqda.

Doʻstlaringiz bilan ulashing

Jahon yangiliklari

26 Feb 17:06

xs.uz

AQSHdan deportatsiya qilingan 7 nafar oʻzbekistonlik Kosta-Rikaga yuborilmadi

Ular Oʻzbekistonga qaytish niyatida boʻlishgan va 24-fevral kuni Nyu-York'Toshkent yoʻnalishi boʻyicha yurtimizga yetib kelishgan.Vashington va Kosta-Rika oʻrtasidagi bitimga asosan davlatga AQSHdan deportatsiya qilingan 200 nafargacha boʻlgan shaxslar vaqtincha joylashtirilishi kerak edi.Bunda migrantlarga bir oy davomida mamlakatda qolish huquqi beriladi. Shu muddat ichida ularni ixtiyoriy ravishda vataniga qaytarilishi masalasi hal qilinadi. Qaytishni rad etganlar ustidan esa individual

Jahon yangiliklari

28 Feb 01:19

xs.uz

Gʻazoda sovuq tufayli 15 nafar bola vafot etdi

Gʻazo sektorida gipotermiya va unga bogʻliq asoratlar tufayli kamida 15 nafar bola hayotdan koʻz yumdi, deb xabar bermoqda 'BBC'.Taʼkidlanishicha, vaqtinchalik boshpana, yonilgʻi hamda boshqa tabiiy ehtiyojlar uchun kerak boʻladigan mahsulotlarning yoʻqligi va mintaqadagi keskin sovuq yuzlab falastinlik oilalar hayotini xavf ostida qoldirmoqda. Ota-onalarning farzandlarini isitish uchun qilgan harakatlariga qaramay, kamida 15 nafar yangi tugʻilgan chaqaloqlar va goʻdaklar kuchli sovuq t

Jahon yangiliklari

19 Feb 00:21

xs.uz

HAMAS Gʻazo sektori boshqaruvini Falastin maʼmuriyatiga topshirishi mumkin

HAMAS Gʻazo sektori ustidan nazoratni Falastin milliy maʼmuriyatiga topshirishga tayyor, deb xabar berdi 'Sky News Arabia' telekanali.Maʼlum qilinishicha, HAMAS tegishli qarorni Qohiradagi muzokaralar davomida Misr taʼsiri ostida qabul qilgan.'HAMAS Qohiraga tashrif buyurgan delegatsiyasiga Misr tomonidan kuchli bosim oʻtkazilganidan soʻng Gʻazo ustidan nazoratni Falastin maʼmuriyatiga topshirishga rozi boʻldi. Bunga javoban HAMAS Gʻazo amaldorlarini yangi maʼmuriyatda ish bilan taʼm

Jahon yangiliklari

26 Feb 17:06

xs.uz

Oʻzbekiston Tojikiston va Qirgʻiziston bilan birgalikda Osiyo kubogiga mezbonlik qilishi mumkin

Osiyo futbol konfederatsiyasi 2031-yilda Osiyo qitʼasining eng nufuzli futbol turniri boʻlgan Osiyo kubogi mezbonligiga nomzodlarni koʻrib chiqishni boshladi.Qayd etilishicha, soʻnggi yillarda Markaziy Osiyoda futbol borasida amalga oshirilayotgan islohotlar, yaratilayotgan sharoitlar, xalqaro maydondagi nufuzidan kelib chiqqan holda Oʻzbekiston, Tojikiston, Qirgʻiz Respublikasi futbol uyushmalari birgalikda Osiyo kubogi mezbonligini yuqori saviyada oʻtkazishga ishonch bildirib, oʻz qoʻ