Oilaviy sabablarga ko‘ra terma jamoa ixtiyorini vaqtincha tark etgan O‘zbekiston U-23 terma jamoasi futbolchisi Ibrohimhalil Yo‘ldoshevning o‘rniga Alisher Odilovni qaydnomaga kiritish yuzasidan so‘rov yuborildi. Bu haqda O‘zbekiston futbol assotsiatsiyasi matbuot xizmati xabar berdi.

Manbaga ko‘ra, O‘FAning bu masala yuzasidan tashkiliy qo‘mitaga yuborgan so‘rovi qabul qilingan. Odilov Misr bilan o‘yin uchun qaydnomaga kiritilishi mumkin.

Ma’lumot uchun, Alisher Odilov Toshkentning “Olimpik” klubi a’zosi hisoblanadi. Uning transfer qiymati 600 ming yevroni tashkil etadi. Joriy mavsum Odilov O‘zbekiston chempionatida 12 ta o‘yinda maydonga tushib, 3 ta gol urdi va 1 ta golli uzatmani amalga oshirdi.