Mazkur qonun loyihasi bir qator oʻzgarishlar joriy qilinishi mumkin. Unga koʻra, Oʻzbekiston Respublikasining Maʼmuriy javobgarlik toʻgʻrisidagi kodeksiga kichik hajmli elektr dvigatelli transport vositalarini va individual harakatlanish vositalarini boshqarish vaqtida sodir etilgan huquqbuzarliklar uchun maʼmuriy javobgarlik belgilanmoqda.

Shuningdek, foto va video qayd etish texnika vositalari orqali qayd etilgan holat muayyan qisqa muddat davomida qaror qabul qilinmagan taqdirda, huquqiy oqibatini keltirib chiqarmasligini nazarda tutuvchi oʻzgartirish va qoʻshimchalar kiritish taklif etilgan.

Qonun loyihasi bilan avtomatlashtirilgan foto va video qayd etish texnika vositalari orqali yoʻl harakati qoidalari buzilganligi qayd etilgan hollarda transport vositasining mulkdori toʻgʻrisida maʼlumot mavjud boʻlmasa, shuningdek maxsus avtomatlashtirilgan foto va video qayd etish texnika vositalari orqali qayd etilgan yoʻl harakati qoidalari buzilishiga oid maʼlumotlar jarima solish toʻgʻrisida qaror chiqarishga vakolatli boʻlgan mansabdor shaxsga (yaʼni huquqbuzarga emas) 48 soat ichida yuborilmagan boʻlsa ishni koʻrib chiqish tugatilishi haqidagi norma bilan toʻldirilmoqda.

Shuningdek, tez tibbiy yordam va yongʻin-qutqaruv boʻlinmalari transport vositalari tomonidan sodir etilgan qoidabuzarliklar yuzasidan yuritilgan maʼmuriy ishlarni ortiqcha qogʻozbozlikdan voz kechgan holda tugatish tartibini joriy etish nazarda tutilmoqda.

'Ushbu qonun loyihasining qabul qilinishi yoʻl harakati qoidalariga rioya etilishini, yoʻl-transport hodisalarining oldi olinishi hamda yoʻllarda harakat xavfsizligini taʼminlash orqali fuqarolarning qonuniy manfaatlari samarali himoya qilinishiga xizmat qiladi', deyiladi xabarda.

Avvalroq Oʻzbekiston Yevrosiyo patent tashkiloti bilan hamkorlikni yoʻlga qoʻygandi.