12 Jul 14:20

Manba: qalampir.uz

BMT Zaporoje AESdan Rossiya qo‘shinlarini olib chiqish bo‘yicha rezolyutsiya qabul qildi. O‘zbekiston betaraf qoldi

Kecha, 11 iyul kuni Birlashgan Millatlar Tashkiloti Bosh Assambleyasi Ukrainadagi yadroviy inshootlar xavfsizligi bo‘yicha rezolyutsiya loyihasini qabul qildi. Bu haqda tashkilot matbuot xizmati xabar berdi.

Unda Rossiyadan qo‘shinlarini Zaporoje atom elektr stansiyasidan olib chiqib ketish talab qilingan. Tashabbusni 192 davlatdan 99 tasi qo‘llab-quvvatladi. 9 delegatsiya qarshi ovoz berdi, 60 tasi betaraf qoldi.

Jumladan, Belarus, Burundi, Shimoliy Koreya, Kuba, Mali, Nikaragua, Rossiya, Suriya va Eritreya rezolyutsiyaga qarshi chiqqan. Qozog‘iston, Qirg‘iziston, Tojikiston va O‘zbekiston, jami 60 nafar davlat betaraf qolgan. Turkmaniston ovoz berishda qatnashmagan. Betaraf qolganlar orasida Jazoir, Armaniston, Vetnam, Xitoy, Meksika, Mo‘g‘uliston, Birlashgan Arab Amirliklari, Saudiya Arabistoni va boshqa davlatlar ham bor.

Rezolyutsiya mualliflari Ukrainaning xalqaro miqyosda tan olingan chegaralari, jumladan, uning suvereniteti, mustaqilligi, birligi va hududiy yaxlitligiga sodiqligini bildirgan.

Qayd etilishicha, Bosh Assambleya tomonidan qabul qilingan qarorlar maslahat xarakteriga ega va uni qabul qilish majburiy emas. Hujjat “Ukrainadagi atom inshootlarining, shu jumladan Zaporoje atom elektr stansiyasining texnik va jismoniy xavfsizligi” deb nomlanadi. U 13 banddan iborat. Bandlardan birida Rossiya Federatsiyasidan ushbu AESdagi o‘z harbiy xizmatchilari va boshqa ruxsatsiz xodimlarni zudlik bilan olib chiqib ketishni talab qilingan. Ta’kidlanishicha, Rossiya qo‘shinlari Ukraina hududidan “xalqaro tan olingan chegaralar doirasida” chiqib ketishi kerak.

Ma’lumot uchun, 2022 yil oktyabr oyidan beri Zaporoje AES “Rosatom” ning sho‘ba korxonasi “Rosenergoatom” OAJ nazorati ostida. 2024 yil 21 iyun kuni Ukraina harbiylari Raduga podstansiyasiga hujum qilishi oqibatida transformator shikastlandi. 26 iyun kuni Velikaya Znamenkadagi stansiyaning radiatsiya nazorati posti artilleriyadan o‘qqa tutilishi tufayli yo‘q qilindi. 3 iyul kuni podstansiyaga dron hujumi oqibatida Zaporoje AESning sakkiz nafar xodimi jarohat oldi.

Eslatib o‘tamiz, avvalroq Zaporoje AESga dron hujumi oqibatida reaktor qobig‘iga zarar yetgani xabar qilingandi.

Doʻstlaringiz bilan ulashing

Jahon yangiliklari

26 Jul 10:19

qalampir.uz

Moskvada avtomobilni portlatishda gumonlangan shaxs Turkiyada qo‘lga olindi (video)

Turkiya huquq-tartibot idoralari Moskva shimolida avtomobilni portlatishda gumon qilingan Rossiya fuqarosini qo‘lga oldi. Bu haqda bugun, 24 iyul kuni Turkiya Ichki ishlar vaziri Ali Yerliqoya X ijtimoiy tarmog‘ida ma’lum qildi. Vazirning aytishicha, hibsga olingan shaxsning ismi Yevgeniy Serebryakov, u Moskvadan ertalabki reysda Bodrumga kelgan. Erkak ilgari Interpol tomonidan qidiruvga berilgan shaxslarning xalqaro ma’lumotlar bazasiga kiritilmagan. Interpolning Rossiya bo‘limi

Jahon yangiliklari

26 Jul 10:21

xs.uz

Rasman 2025-yilda Olimpiya oʻyinlariga Saudiya mezbonlik qiladi (video)

Xalqaro olimpiya qoʻmitasi (XOQ) 2025-yilda ilk bor 'Esports' boʻyicha Olimpiya oʻyinlari tashkil etilishini tasdiqladi. Saudiya Arabistonida oʻtkazilishi kutilayotgan kibersport boʻyicha eng nufuzli turnir XOQning 142-sessiyasida eʼlon qilingan. Bu haqda 'Sinxua' xabar bermoqda.Qayd etish joizki, bu qoʻmitaning raqamli inqilob bilan hamnafas ekanini koʻrsatib bera oladi. XOQ ijroiya kengashi bir ovozdan qoʻllab-quvvatlagan holda ilk tadbirni oʻtkazish uchun Saudiya Arabistoni Milliy o

Jahon yangiliklari

08 Sep 16:45

xs.uz

Norvegiyadagi muzliklarning erishi 3000 yillik poykanlarning topilishiga sabab boʻldi

Iqlim oʻzgarishi sababli muzlarning erishi koʻplab arxeologik topilmalarning topilishiga sabab boʻlmoqda. Norvegiyadagi olimlar oʻrganishlar mobaynida yaxshi saqlanib qolgan 3000 yillik kamon oʻqini topdi. Bu haqda 'New York Times' nashri xabar berdi.Maʼlum boʻlishicha, 'Espen Finstad' tashkiloti tomonidan Yutunxeymen togʻlarida topilgan poykon hali ham kvartsit uchi va patlari bilan bogʻlangan. Ushbu kashfiyot butun dunyo boʻylab muzliklarning erishi natijasida topilgan minglab artefa

Jahon yangiliklari

08 Sep 16:45

xs.uz

AQSH Bayden davrida yomonlashgan migratsiya inqirozi bilan zaharlandi — Tramp

Amerika Qoʻshma Shtatlari hozirgi Amerika maʼmuriyati davrida yomonlashgan migratsiya inqirozidan aziyat chekmoqda. Bu haqda AQSHning sobiq prezidenti Donald Tramp Xarrisburgda (Pensilvaniya) saylovchilar bilan uchrashuvda aytib oʻtdi.'Bizning asosiy muammomiz bu AQSH hukumati mamlakatga ruxsat bergan 21 million odam. Ular mamlakatimizni zaharlashdi. Ular bu yerga qamoqxonalardan, psixiatrik shifoxonalardan kelishadi. Ular orasida terrorchilar ham bor', deya keskin bayonot berdi siyosatchi.Tr