Fransiyada o‘tkazilgan navbatdan tashqari parlament saylovlarining birinchi bosqichida o‘ng qanot Milliy miting partiyasi 33,15 foiz ovoz bilan birinchi o‘rinni egalladi. Bu haqida “Liberation” xabar berdi.
 
Ichki ishlar vazirligi tarqatgan ma’lumotlarga ko‘ra, so‘llarning “Yangi xalq fronti” alyansi 27,99 foiz ovoz bilan ikkinchi o‘rinni egallagan. Prezidentning “Respublika uchun birga” koalitsiyasi 20,04 foiz ovoz oldi.

Fransiya Milliy Assambleyasida 577 deputat bor, ulardan 76 nafari allaqachon saylangan. 7 iyul kuni bo‘lib o‘tadigan saylovning ikkinchi bosqichi hal qiluvchi bo‘ladi. Uning tarkibiga 501 deputat kiradi.

Mamlakatda o‘ta o‘ng kuchlarning kuchayishi noroziliklarga sabab bo‘ldi, ko‘plab shaharlarda namoyishlar o‘tkazildi. 
 
2027 yilning aprelida vakolat muddati tugaydigan Prezident Emmanuel Makron o‘ta o‘ngchi RN partiyasi parlamentda ko‘pchilikni qo‘lga kiritgan taqdirda ham iste’foga chiqmasligini aytdi.

Ma’lumot uchun , Fransiyadagi so‘nggi uchta saylovda ovozlarini oshirishda davom etgan o‘ta o‘ngchi Milliy ittifoq 9 iyunda bo‘lib o‘tgan Yevropa Parlamenti saylovlarida 31,4% ovoz bilan birinchi o‘rinni egalladi, shundan so‘ng Prezident Emmanuel Makron parlamentni tarqatib yubordi va muddatidan oldin saylovlar o‘tkazishga qaror qabul qildi.

Azizbek Eshmamatov