Namangan viloyati Pop tumanida tug‘ilgan Doni­yor Qodirov tibbiyot kollejini tugatib, muddatli harbiy xizmatni o‘tab bo‘lgach, shartnoma asosida xizmatni davom ettirishga qat’iy qaror qildi. Bugungi kunda 3-darajali serjant D. Qodirov alohida vazifalarni bajaruvchi safarbarlik guruhi bosh mutaxassisi – feldsher lavozimida xizmat qilmoqda.

– Xizmat faoliyatim o‘zimga juda yoqadi, – deydi Doniyor Qodirov. – Qat’iy harbiy intizom, aniq kun tartibi – bular ayni menbop. Oilam va yaqinlarim men bilan faxrlanishadi. Turmush o‘rtog‘im Fotima bilan uch yoshli Mustafo ismli o‘g‘ilni voyaga yetkazyapmiz.

Nurshod Bozorov Navoiy viloyatining Nurota tumanida tug‘ilgan. 2019-yildan 

buyon katta mutaxassis-o‘qchi lavozimida xizmat qilmoqda. 3-darajali serjant N. Bozorov bo‘sh vaqtlari­da og‘ir atletika va sharq yakkakurashi bilan astoydil shug‘ullanadi.

– Har bir er yigit Vatan himoyachisi bo‘lishi ke­rak, – deydi Nurshod Bozorov. – Xizmat yillari davomida do‘stlik, og‘ir damlarda safdoshlarning yelkadosh bo‘lishi nima ekanligini chuqur anglab yetdim. Ko‘p farzandli oilada o‘sganman. Ota-onam Mamatqul aka va Matluba opa to‘rt o‘g‘il, bir qizni voyaga yetkazishdi. Ukala­rim Navoiy kon-metallur­giya kombinatida ishlaydi.

– Kasb-hunar kollejini tamomlab, ekskavator ope­ratori yordamchisi sifatida faoliyat olib bordim, – deydi kichik serjant Otabek 

Qo­dirov. – Harbiy xizmatni o‘tab bo‘lgach, kontrakt bo‘yicha xizmatni davom ettirishga qaror qildim. 2018-yilda mazkur harbiy qismga keldim, qisqa muddatli kurslardan so‘ng alohida vazifalarni bajaruvchi guruhda pulemyotchi etib tayinlandim. Ota-onam, qarindoshlarim Buxoro viloyatining Qorako‘l tumanida istiqomat qilishadi. Har yili mehnat ta’tili paytida rafiqam Latofat hamda o‘g‘illarim Akobir va Javohir bilan tug‘i­lib o‘sgan maskanimizga dam olgani boramiz.

Boris KLEYMAN,

o‘z muxbirimiz.

Suratda: (o‘ngdan chapga) 3-darajali serjantlar Nurshod Bozorov va Doniyor Qodirov, kichik serjant Otabek Qodirov.