– Joriy yilning o‘tgan davrida 2673 ta yozma va og‘zaki murojaatda ko‘tarilgan muammolarning 

1516 tasiga ijobiy yechim topildi, – deydi Jizzax viloyati IIB Tash­kiliy boshqarmasi murojaatlar bilan ishlash guruhi katta inspektori, mayor Furqat Jo‘rayev. 

– Fuqarolar bosh­qarmamizga yozma, og‘zaki, uyali aloqa vositalari, elektron manzil yoki pochta orqali murojaat qilishadi. Murojaatni to‘liq, xolisona va o‘z vaqtida o‘rganish, ko‘tarilgan masalaga qonunan yechim topish, umid bilan kelgan har fuqaroni rozi qilish uchun barcha imkoniyatlar ishga solinmoqda. 

Darhaqiqat, ayni maqsadda ichki ishlar organlari mas’ullarining sayyor qabullari uyushtirilyapti. Zaruratga ko‘ra, arizachiga murojaat ijrosi yuzasidan xabarnomalar yo‘llanayotir.

Aytish joizki, ichki ishlar organlariga qilingan har qanday murojaat sohaning murojaatlar bilan ishlash bo‘linmalarida ro‘yxatga olinadi, unda ko‘tarilgan muammo va ma­salalarni hal qilish muddatlari belgilanadi va qat’iy nazorat ostiga olinadi. Xuddi shunday, mazkur masalaga shahar va tuman ichki ishlar bo‘limlarida 2 nafar rahbar xodim mas’ul etib biriktirilgan.

O‘z muxbirimiz.