calendar 10 May 13:30
eye 18
comments 0
comments Manba: qalampir.uz

“Krokus”dagi terakt Tojikiston imijiga jiddiy putur yetkazdi – Rahmon (video)

image

Tojikiston Prezidenti Imomali Rahmon “Krokus Siti Holl”da sodir bo‘lgan terakt o‘z mamlakati obro‘siga jiddiy putur yetkazganini aytdi. Bu haqda u kecha, 9 may kuni Rossiya rahbari Vladimir Putin bilan suhbatda so‘z ochdi.

Uning fikricha, terrorizmga qarshi hamma joyda birgalikda kurashish kerak.

“Ikki mamlakat razvedka xizmatlari o‘tgan yillarda yaxshi ishlagan, ammo afsuski, “Krokus Siti Holl”da fojia yuz berdi”, deydi Prezident.

Rahmonning aytishicha, Tojikiston 30 yildan ortiq terrorizm va ekstremizmga qarshi kurashib keladi va bu muammoni bevosita biladi.

“Tojiklar qadimiy tarix, madaniyat va sivilizatsiyaga ega qadimiy xalqdir. Bo‘lib o‘tgan voqea, albatta, biz uchun mutlaqo qabul qilib bo‘lmaydi. Bu esa xalqimizning qiyofasiga, tarixiga, madaniyatiga, urf-odatlariga jiddiy zarar yetkazadi. Biz bu borada siz bilan yaqindan hamkorlik qilishda davom etamiz”, deya qo‘shimcha qilgan Rahmon.

Shuningdek, u terrorizmning millati ham, dini ham yo‘qligini yana bir bor ta’kidlagan.

“Terrorizm va ekstremizmga qarshi kurashga kelsak, siz bizning pozitsiyamizni 30 yildan ortiq vaqtdan beri bilasiz. Bizning pozitsiyamiz shunday: biz terrorizm va ekstremizmga qarshi kurashda ikki tomonlama standartlarga qarshimiz. Terrorizmning millati ham, dini ham yo‘q”, deydi Prezident.

Uning so‘zlariga ko‘ra, dushmanlar davlatlar o‘rtasida janjal chiqarishni xohlashiga qaramay, Rossiya Tojikiston uchun strategik hamkor va ittifoqchi.

Bundan tashqari, Rahmon Vladimir Putinni mehnat muhojirlari masalasini muhokama qilishga taklif qilib, bu mavzuni nozik deb atagan.

O‘z navbatida, Putin Rossiya va Tojikiston razvedka xizmatlari umumiy tahdidlarni, jumladan, terrorizmni to‘xtatish uchun faol ishlayotganini aytgan.

“Bu ish yaxshi yo‘lga qo‘yilgan, hamkasblar bir-biri bilan yaqin aloqada. Siz va men bu ishni qo‘llab-quvvatlaymiz”, deydi Putin.

Eslatib o‘tamiz, kecha, 9 may kuni Moskva shahrida G‘alabaning 79 yilligiga bag‘ishlangan tadbirlar bo‘lib o‘tdi. Unda Belarus rezidenti Aleksandr Lukashenko, Qozog‘iston Prezidenti Qosim-Jomart To‘qayev, Qirg‘iziston yetakchisi Sadir Japarov, Tojikiston Prezidenti Imomali Rahmon , Turkmaniston Prezidenti Serdar Berdimuhamedov, O‘zbekiston Prezidenti Shavkat Mirziyoyev, Kuba Prezidenti Migel Dias-Kanel Bermudes, Laos Prezidenti Tongloun Sisulit, Gvineya-Bisau Respublikasi Prezidenti Sisoku Embalo qatnashdi.


Doʻstlaringiz bilan ulashing

18 May 14:52
 
12
0
qalampir.uz

Pashinyanning Hukumatdagi kuni bitdimi?

Armaniston Bosh vaziri Nikol Pashinyan muxolifat talab qilganidek, hech qanday holatda iste’foga chiqmoqchi emas. Navbatdagi parlament saylovlari esa 2026 yilda bo‘lib o‘tadi. Bu haqda brifingda hukmron “Fuqarolik kontrakti” partiyasi a’zosi, parlament tashqi aloqalar bo‘yicha komissiyasi rahbari Sargis Xandanyan ma’lum qildi.  “Bizning partiyamiz siz aytayotgan kun tartibi bilan [muxolifatning ruhiy rahbari arxiyepiskop Bagrat bilan] uchrasha olmaydi (Pas

18 May 18:39
 
14
0
qalampir.uz

Tojikiston chegaradagi xavfsizlik choralarini kuchaytirdi

Tojikistonda fuqarolarning chegara zonasida bo‘lishi, kirishi va chiqishi qat’iy nazoratga olinadi. Bu haqda Milliy xavfsizlik davlat qo‘mitasi chegara qo‘shinlari matbuot markazi xabar berdi. “Mintaqadagi va jahondagi vaziyatni murakkablashtirish tendensiyasi, terroristik va ekstremistik tashkilotlarning davlat chegaralarini noqonuniy kesib o‘tishga, sayyoramizning turli burchaklarida, jumladan, Tojikiston Respublikasida ham g‘ayriinsoniy terroristik harakatlarni amalga o

11 Apr 13:56
 
58
0
qalampir.uz

Makkada qirg‘izistonlik ziyoratchilar uchun bepul mehmonxona qurilmoqda

Saudiya Arabistonining Makka shahrida qirg‘izistonlik ziyoratchilar uchun bepul mehmonxona qurilishi boshlandi. Bu haqda Qirg‘iziston Prezidenti administratsiyasi axborot siyosati xizmati rahbari Dayirbek O‘runbekov ijtimoiy tarmoqdagi sahifasida xalqni Ramazon hayiti bilan tabriklash asnosida ma’lum qildi. O‘rinbekov mamlakat rahbari Sadir Japarov ko‘magida Makka shahrida tahsil olayotgan va ziyorat qilayotgan Qirg‘iziston fuqarolari bepul foydalanishi mumkin bo‘lgan mehmonxo

17 May 09:49
 
18
0
qalampir.uz

Ko‘p yig‘lagani uchun chaqaloqni uchinchi qavatdan uloqtirgan shaxsga hukm o‘qildi

Qozog‘istonda ikki yashar chaqaloqni o‘ldirishda ayblangan shaxs jinoiy javobgarlikdan ozod qilindi. Bu haqda "Otyrar" nashri xabar berdi. Qayd etilishicha, fojia o‘tgan yilning noyabr oyida sodir bo‘lgan. Chimkent shahri markazidagi ko‘p qavatli uylardan birida 40 yoshli erkak o‘z jiyanini uchinchi qavat derazasidan uloqtirib yuborgan. Chaqaloqning onasi tez yordam chaqirgan, biroq shifokorlar go‘dakni qutqarib qololmagan. Jinoyat ishlari bo‘yicha Chimk