calendar 11 Apr 14:02
eye 44
comments 0
comments Manba: xs.uz

Surxondaryoda sayyohlikning yangi mavsumi boshlandi

image
Yarmarkada vohada faoliyat yuritayotgan turoperator va turagentlar, mehmonxonalar, xostel va oilaviy mehmon uylari, sanatoriylar vakillari hamda korxona va tashkilotlar kasaba uyushmalarining boshlangʻich tashkilotlari rahbarlari, shuningdek, Tojikiston Respublikasidan tashrif buyurgan delegatsiya ishtirok etdi.

Tadbirning ochilish marosimida soʻzga chiqqan Surxondaryo viloyati Turizm boshqarmasi boshligʻi oʻrinbosari Dilmurod Hafizov yarmarka mohiyati xususida alohida toʻxtaldi:

' Viloyatimizda barcha sohalar kabi turizm ham yildan yilga rivojlanmoqda. Ayniqsa, bu borada ziyorat, arxeologik, ekoturizm yoʻnalishlariga qiziqish ortib bormoqda. Bunga bir misol, 2023-yilning birinchi choragida ichki turistlar soni 380 ming nafarni tashkil etgan boʻlsa, joriy yilning shu davrida bu koʻrsatkich 450 ming nafarga yetdi.

Ushbu yarmarkadan koʻzlangan asosiy maqsad ham ichki turizmni yanada rivojlantirishga qaratilgani bilan ham ahamiyatlidir. Xususan, maqsadimiz mamlakatimizda mavjud turizm obyektlariga aholini keng jalb qilish, turizm sohasidagi tadbirkorlik subyektlari va turistik maskanlarni qoʻllab-quvvatlash, turoperator va turagentlarni isteʼmolchilarga tanitishdan iborat.

' Surxondaryo viloyati Markaziy Osiyoning koʻhna madaniyat oʻchoqlaridan biridir, ' deydi Tojikiston Respublikasi Xatlon viloyati hokimiyati Turizm boshqarmasi boshligʻi Rustam Hakimzoda. ' Hududlarda topilgan koʻhna manzilgohlar va qoyatoshlarga chizilgan suratlar bu hududlarda odamlar eng qadimgi davrlardan buyon yashab kelayotganidan darak beradi. Buyuk Ipak yoʻlida joylashgan mazkur hudud qadimdan sayyohlar eʼtiboridan tushmay keladi. Vohaning oʻtmish va zamonaviylik uygʻunlashgan manzilgohlari, islom sivilizatsiyasi oʻchoqlari, muzey va masjidlar, hunarmandchilik markazlari, umuman olganda boy tarixiga qiziqish katta. Shu maʼnoda, turizm sohasidagi hamkorlik ikki tomonlama teng manfaatlidir.

Darhaqiqat, Surxondaryoning boy tarixi, noyob arxeologik yodgorliklari, oʻziga xos tabiati bor. Mazkur hudud jahon sivilizatsiyasi rivojiga qoʻshgan hissasi bilan alohida mavqega ega. Yuzga yaqin madaniy yodgorliklar, qadimgi manzilgoh, muborak qadamjolar sayyohlar eʼtiborini qozonib kelmoqda. Turistlarga yuqori xizmat koʻrsatish uchun birgina Termiz shahrining oʻzida yigirmadan ortiq zamonaviy mehmonxona, oʻnlab mehmon uylari, ellikka yaqin barcha talablarga javob beradigan restoran, kafelar, madaniyat uylari, koʻngilochar bogʻlar, savdo majmualari kunu tun mehmonlar xizmatida.

Yarmarka doirasida ishtirokchilarga viloyatning har bir hududi sayyohlik jozibadorligi aks etgan tarqatma materiallar taqdim etildi. Sahnalashtirilgan badiiy chiqishlar, kuy-qoʻshiq va videoroliklar namoyishi ishtirokchilarga koʻtarinki kayfiyat ulashdi.

Farhod ESONOV

('Xalq soʻzi').


Doʻstlaringiz bilan ulashing

10 May 13:30
 
21
0
postda.uz

HAYDOVCHILIK GUVOHNOMASI KERAKMI...?

So‘nggi vaqtlarda ommaviy axborot vositalarida firibgarlardan ehtiyot bo‘lishga undovchi chaqiriqlarga tez-tez ko‘zimiz tushyapti. Shunga qaramay, bunday noxush holatlar yo‘l harakati xavfsizligi sohasiga bog‘liq yo‘nalishlarda ham uchramoqda.Haydovchilik guvohnomalarini olishda yaratilgan shaffof tizim bo‘lajak haydovchilarni yo‘l harakati qoidalarini yaxshi o‘zlashtirishga undayotgan bo‘lsa-da, ayrim shaxslar bu hujjatni olishning «oson» yo‘llarini izlab, noqonuniy xatt

10 May 13:30
 
25
0
postda.uz

PARVOZING BALAND BO‘LSIN, LOCHINBEK!

Lochinbek 8-sinfda o‘qib yurgan kezlari sportning o‘zbek jang san’ati va karate turlari bo‘yicha dastlab tuman va viloyat birinchiliklari­da g‘olib bo‘ldi. Keyinchalik mamlakat va xalqaro miqyosdagi musobaqalarda ham sovrinli o‘rinlarni egalladi. U 9-sinfni tugatish arafasida ota-onasi bilan maslahatlashib, IIV Navoiy akademik litseyiga hujjat topshirdi. Hozirda 2-kursda tahsil olmoqda. Lochinbek Sa’dullayevning sportdagi yutuqlariga batafsilroq to

10 May 17:31
 
30
0
postda.uz

BERK KO‘CHANING OXIRI yoxud kechirimlilik mevasi

Bilib-bilmay o‘zi anglamagan holda, jinoyat sodir etib, berk ko‘chaga kirib qolgan va o‘zining sodir etgan qilmishi sababli panjara bilan qoplangan «tarbiya muassasasi»ga kelib qolgan shaxslar ham yo‘q emas. Aksariyat mahkumlar o‘z qilmishidan pushaymonligini, qayta jinoyat sodir etmasligini va bu yo‘ldan boshqa yurmasligini ta’kidlaydi. Lekin ular orasida turli sabablarga ko‘ra, har xil turdagi jinoyatlarni sodir etgan va bu yo‘ldan qaytmasdan, takroran bir ne

23 Apr 03:36
 
22
0
xs.uz

Qashqadaryoda Italiyaning mashhur kiyim brendi oʻz filialini ochdi

Jahongir BOYMURODOV/'Xalq soʻzi'. Koʻkdala tumanida Italiyaning mashhur kiyim brendi ' 'Cotonella' kompaniyasining filiali ochildi.2023-yilning sentyabr oyida Koʻkdala tumani hokimligi delegatsiyasi Italiyada boʻlib, 'Cotonella' kompaniyasi vakillari bilan uchrashib, tumanda ushbu brend ostida mahsulotlarni ishlab chiqarishni yoʻlga qoʻyish boʻyicha kelishuvga erishgan edi.Shundan soʻng qisqa muddat ichida Koʻkdala tumani markazida ushbu kompaniyaning filiali barpo etilib, mahsulot ishl