Ammog‘on – Shahrisabz tumani markazidan qariyb 60 kilometr masofada joylashgan qishloq. Yaqinda uzoq tog‘li qishloqda yashovchi fuqarolar va yoshlarga qulaylik yaratish, ularga shaxsini tasdiqlovchi ID-karta rasmiylashtirib berish maqsadida tuman IIB Migratsiya va fuqarolikni rasmiylashtirish bo‘linmasi xodimlari qishloqqa ko‘chma mobil qurilma bilan borishdi. 

– Shu kuni tuman IIB M va FRB inspektori, kichik serjant Muhriddin Rahimov hududda joylashgan 69-maktabning 50 nafarga yaqin o‘quvchilariga va 5 nafar nogironligi bor fuqaroga rasmiylashtirilgan ID-kartalarni topshirdi, – deydi bo‘linma boshlig‘i, mayor Choriyor Mahmudov. – Shu kuni yana 40 nafar fuqaroning biometrik ma'lumotlari olinib, bazaga kiritildi. Ma'lumotlar tasdiqlansa, ularga ham shaxsini tasdiqlovchi hujjatlar qishloqqa olib borib, tarqatiladi. 

Tadbirda mamlakatimizda yoshlarga yaratilayotgan imkoniyatlardan unumli foydalanib, ilm-fan va sport sohasida yuksak cho‘qqilarni egallashi, vatanparvarlik ruhida tarbiya olib, yurt taraqqiyotiga o‘z hissalarini qo‘shishi lozimligi borasida targ‘ibot ishlari ham olib borildi. 

O‘z muxbirimiz.

Qashqadaryo viloyati.