calendar 09 Feb 12:56
eye 45
comments 0
comments Manba: xs.uz

Bolalar ombudsmani qator majburiyat va vakolatlarga ega boʻlmoqda

image
Senatning elliginchi yalpi majlisida senatorlar 'Oʻzbekiston Respublikasi Oliy Majlisining Bola huquqlari boʻyicha vakili (Bolalar ombudsmani) toʻgʻrisida'gi Qonunni koʻrib chiqdilar.

Hujjat bilan Bola huquqlari boʻyicha vakil faoliyatining qonuniylik, mustaqillik, adolatlilik, insonparvarlik, kamsitishga yoʻl qoʻymaslik, xolislik, ochiqlik va bola huquqlarining ustuvorligi kabi asosiy prinsiplari belgilanmoqda.



Bola huquqlari boʻyicha vakil lavozimiga saylanish kuni yigirma besh yoshga toʻlgan va kamida besh yil Oʻzbekiston Respublikasi hududida muqim yashayotgan Oʻzbekiston Respublikasi fuqarosi 5-yil muddatga Qonunchilik palatasi va Senat tomonidan saylanishi nazarda tutilmoqda.

Shuningdek, Qonunda Bolalar ombudsmanining asosiy vazifalari, huquqlari va majburiyatlari aniq belgilanmoqda.



Qonunga bolaning huquqlari, erkinliklari va qonuniy manfaatlariga taalluqli masalalarga doir qonunchilik hujjatlari loyihalari Bola huquqlari boʻyicha vakil bilan kelishilishi majburiy tartib sifatida kiritilmoqda.

Bundan tashqari, Bolalar ombudsmani maʼruzasi Oliy Majlis palatalarining majlislarida har yili eshitilishi nazarda tutilmoqda. Bolalar ombudsmani bola huquqlari toʻgʻrisidagi qonunchilik buzilganini aniqlanganda, ularga imkon beruvchi sabablar va shart-sharoitlarni bartaraf etish haqida davlat organlarining va boshqa tashkilotlarning rahbarlariga taqdimnomalar kiritishi mumkinligi aks ettirilmoqda.



Bola huquqlari boʻyicha vakiliga oʻz faoliyatiga taalluqli masalalar yuzasidan tashkilotlar rahbarlari va boshqa mansabdor shaxslar tomonidan darhol qabul qilinish huquqidan foydalanish vakolati berilmoqda.

Shuningdek, Qonunda Bola huquqlari boʻyicha vakilning Qoraqalpogʻiston Respublikasi, viloyatlar va Toshkent shahridagi mintaqaviy vakillari tayinlanishi belgilanmoqda.



Qonunning yana bir muhim jihati. Bolalar ombudsmani bola huquqlari toʻgʻrisidagi qonunchilikni takomillashtirishga koʻmaklashishi, bolaning manfaatlarini taʼminlashga qaratilgan normalarni qabul qilish yuzasidan mutasaddilarga tegishli takliflar kiritib borishi ham nazarda tutilmoqda.

Bundan tashqari, voyaga yetmaganlarga ijtimoiy-huquqiy yordam koʻrsatish markazlarida hamda ixtisoslashtirilgan oʻquv-tarbiya muassasalarida, tergov hibsxonalarida va tarbiya koloniyalarida turgan bolalar yozma shakldagi murojaatlarini Bola huquqlari boʻyicha vakilga yuborishi mumkinligi belgilanmoqda.

Senatorlar ushbu Qonunning qabul qilinishi bolaning huquq va erkinliklarini himoya qilish borasida Bolalar ombudsmanining davlat tashkilotlari, huquqni muhofaza qiluvchi organlar va fuqarolik jamiyati institutlari bilan hamkorligi kuchayishiga, bolaning shaxsiy, ijtimoiy-iqtisodiy hamda madaniy huquqlarining taʼminlanishiga xizmat qilishini taʼkidladilar.

Muhokamalar yakunida Qonunni maʼqullash haqida Senatning tegishli qarori qabul qilindi.


Doʻstlaringiz bilan ulashing

09 Mar 00:16
 
36
0
xs.uz

Elektr energiyasi va tabiiy gazdan noqonuniy foydalanish holatlari fosh etildi

Mazkur holatlar yuzasidan Jinoyat kodeksining 169-moddasi (oʻgʻrilik) bilan jinoyat ishlari qoʻzgʻatilib, tergov harakatlari oʻtkazilmoqda.

07 Mar 20:11
 
42
0
qalampir.uz

Toshkentdagi shaharlararo qatnovchi yo‘lovchi poyezdlari yagona tarifga o‘tadi

Joriy yilning 20 martidan boshlab Toshkent shahri va Toshkent viloyati shaharlararo yo‘lovchi poyezdlari yagona tarif (faqat bir zona)ga o‘tkaziladi. Bu haqda “O‘ztemiryo‘lyo‘lovchi” aksiyadorlik jamiyati xabar berdi. 2024 yilning 20 mart sanasidan shaharlararo yo‘lovchi poyezdlar yo‘nalishlariga yagona tarif (faqat bir zona)ga o‘tkaziladi. Bunda yo‘lovchilar avvalgidek har bir zona uchun alohida narxda emas, balki yo‘nalishga qarab, zonalarga bo‘li

11 Apr 13:59
 
41
0
qalampir.uz

Nukusda O‘zbekiston-Turkmaniston davlat chegarasini demarkatsiya qilish bo‘yicha muzokaralar bo‘ldi

Joriy yilning 1-7 aprel kunlari Nukus shahrida O‘zbekiston-Turkmaniston qo‘shma demarkatsiya komissiyasi ishchi guruhlarining navbatdagi yig‘ilishi bo‘lib o‘tdi. Bu haqda O‘zbekiston Tashqi ishlar vazirligi ma’lum qildi. Uchrashuvda O‘zbekiston-Turkmaniston Davlat chegarasini demarkatsiya qilish bo‘yicha ishlar davom ettirilgan, jumladan, O‘zbekiston va Turkmaniston o‘rtasidagi Davlat chegarasini demarkatsiya qilish bo‘yicha hukumatlararo komissiyaning qo‘shma majlis

23 Apr 03:35
 
3
0
xs.uz

Urganchda ayol pul sababli dugonasini boʻgʻib oʻldirdi

Voqea 17-aprel kuni Hamjihatlik mahallasida sodir boʻlgan. Aniqlik kiritilishicha, 38 yoshli fuqaro 49 yoshli dugonasiga qoʻngʻiroq qilgan va uni mehmonga chaqirgan.Uyda ular oʻrtasida pul masalasida janjal kelib chiqqan. Natijada uy egasi mehmonni roʻmol bilan boʻgʻib oʻldirgan.Maʼlumotlarga koʻra, gumonlanuvchi jasadni oʻz uyi hovlisiga koʻmgan.Bosh prokuratura matbuot xizmati xabar berishicha, mazkur holat yuzasidan Jinoyat kodeksining 97-moddasi (qasddan odam oʻldirish) bilan ji