calendar 29 Jan 10:03
eye 54
comments 0
comments Manba: postda.uz

SAYOQ YEGAN TAYOQ

image

O‘sha kuni ham allamahalda mehmonga kelgan akasi Nodirning mashinasida sayr qilgisi kelib qoldi. Kamiga, qo‘shnisi Bahromni ham sherik qildi. Ikkovlon, o‘zlari­ning tili bilan aytganda, «toychoqning uchishiga mast bo‘lib», yarim tunda ko‘cha kezdi. Bu xurmacha qiliq ortidan «tayoq» nafaqat unga, balki ukasining aybini yashirishga uringan Nodirga ham tegdi.

– 2024-yil 7-yanvar kuni soat taxminan 22 larda xizmat hududim bo‘lgan «Rajabamin» MFYning «Chumchuqli» mahallasida tungi xizmat olib borayotgan vaqtimda yo‘l chetida turgan «Nexia-2» rusumli avtomashinasidagi yigit­larning harakatlari shubhali ko‘rindi. Shu sababli, ularning oldiga bordim, – deydi Samarqand tumani IIB JXX HPB profilaktika ins­pektori, leytenant Jahongir Toirov. – Haydovchidan shaxsini tasdiqlovchi hamda avtomashina hujjatlarini va nima maqsadda yurganligini so‘radim. U yonida hech qanday hujjatlari yo‘qligini, avtomashinani hujjatlarsiz boshqargani, o‘z ishlari bilan yurganligini ma’lum qildi. Shundan keyin avtomashinani «Chumchuqli» mahallasidagi jarima maydoniga joylashtirib, uning shaxsiga oydinlik kiritdim.

Ertasiga soat 15:00larda leytenant J. Toirov o‘ziga biriktirilgan hududda xizmat olib borayotgan vaqtida uning oldiga o‘zini Vohidjonning akasiman, deb tanishtirgan Nodir kelib, ukasiga nisbatan chora ko‘rmaslik, to‘plangan hujjatlarni YHXBga o‘tkaz­maslik hamda avtomashinasini jarima maydonidan chiqarib berish evaziga bir million so‘m miqdoridagi pullarni pora sifatida taklif qiladi. 

O‘tkazilgan tezkor tadbir natijasida huquqbuzarlikka qo‘l urgan Nodir va’da qilgan pullarini berayotgan vaqtida qo‘lga olindi. 

– Sohada o‘rganadigan bilim va ko‘nikmalarim ko‘p, – deydi J. Toirov. – Xiz­matda ustozlarim profilaktika inspektorlari ka­pitan Munis Alimamajo­nov, katta leytenant Man­sur Homidovdan tizimning o‘ziga xos tomonlarini o‘zlashtirishga harakat qilaman. Otam, iste’fodagi katta serjant Damir Isroilov ham uzoq yillar ichki ishlar organlarida samarali mehnat qilgan. U egnimga ilk bor xizmat libosini kiyganimda, «Bu kiyimning mas’uliyatini anglab, fidoyi­lik, jonkuyarlik, sof vijdon va halollik bilan xizmat qilsang, u senga sharaf keltiradi. Bu mening senga ham otalik, ham shu sohada ishlagan bir inson sifatidagi maslahatim», degan. Niyatim shu sohada ibratli xizmat qilib, xalqimga, yurtimga munosib farzand bo‘lish, otam va ustozlarim ishonchini oqlash. 

Oramizda yoshlik shijoatiga to‘la qalbida kasbiga muhabbati, sadoqati bilan nurli istiqbol sari dadil odimlayotgan leytenant Jahongir Toirov kabi xodimlar bor ekan, har bir noqonuniy harakatga huquqiy baho berilishiga ishonchimiz komil.

Gulnoza TURG‘UNBOYEVA,

o‘z muxbirimiz. 

Samarqand viloyati.


Doʻstlaringiz bilan ulashing

04 Jul 13:04
 
34
0
postda.uz

ФАОЛ ИНСПЕКТОР

Кун қаҳрамони Шофиркон тумани ИИБ ходимлари айни кунларда ўтказлаётган “Қорадори–2024” тезкор профилактик тадбирида фаол қатнашмоқда. Тадбирлар давомида гиёҳванд моддалар билан қонунга хилоф равишда муомала қилишга доир бир қатор жиноий ҳолатларга чек қўйилди. Я

26 May 14:20
 
48
0
postda.uz

QOCHOQ QO‘LGA OLINDI

Xorazm viloyati IIB JXX JTSB PPX batalyoniinspektorlari, safdor U. Qarriyev hamda serjant Sh. Olimovlar kechki payt Urganch shahar “Amir Temur” istirohat bog‘i oldida xizmat olib borayotgan edi.Osoyishtalik posbonlarida ikki nafar fuqaroning xatti-harakati shubha uyg‘otdi. Ularni darhol suhbatga tortib, xizmat plansheti orqali tekshiruvdan o‘tkazishganida, urganchlik P.T. o‘g‘rilik jinoyatini sodir etib, tergov organlaridan yashirinib yurganligi aniqlandi va shahar IIOFMBga topshir

16 Jul 19:13
 
67
0
xs.uz

Qator hududlarda imtiyozli kredit mablagʻlarini oʻzlashtirgan shaxslar ushlandi

Maʼlum qilinishicha, Bosh prokuratura huzuridagi departamentning Sariosiyo tuman boʻlimi tomonidan tergovga qadar tekshiruv oʻtkazilgan. 'E.P.' va 'G.B.' MCHJlarning rahbari M.I. tomchilatib sugʻorish texnologiyasini oʻrnatish uchun ajratilgan 962,5 million soʻm imtiyozli kredit evaziga taʼminotchi korxona sifatida fermer xoʻjaliklariga uskunalarni yetkazib bermasdan kredit mablagʻlarini talon-toroj qilgani aniqlangan.Shu kabi, departamentning Qarshi tuman boʻlimi tomonidan oʻtkazilga

11 Jul 15:12
 
45
0
xs.uz

Xorazm va Toshkentda «valyutchik»lar ushlandi

Toshkent shahar Yashnobod tumani va Xorazmning Qoʻshkoʻpir tumanlarida noqonuniy valyuta ayirboshlash bilan shugʻullanib kelgan shaxslar ushlandi. Bu haqda Bosh prokuratura huzuridagi departament'xabar berdi.Bildirilishicha, holatlardan biri departamentning Yashnobod tuman boʻlimi tomonidan oʻtkazilgan tezkor tadbirda aniqlandi. Unda tumandagi Visol koʻchasida joylashgan xonadonlardan birida valyuta ayirboshlash bilan shugʻullanib kelgan M.X. fuqaro J.X.ga jami 5 150 AQSH dollarini 65 mil