Taʼkidlanganidek, Oʻzbekiston Respublikasida suv resurslarini boshqarish va irrigatsiya sektorini rivojlantirishning 2021'2023-yillarga moʻljallangan strategiyasi ijrosi doirasida qator natijalarga erishilgan.
Xususan, oʻtgan uch yil davomida suv xoʻjaligi obyektlarida 9 mingga yaqin 'Aqlli suv', 6 mingdan ortiq 'Dayver' qurilmalari oʻrnatilib, 58 ta yirik suv xoʻjaligi obyektining boshqaruv jarayonlari toʻliq avtomatlashtirilgan hamda 1,5 mingta nasos stansiyasida suv miqdorini onlayn monitoring qiluvchi qurilma oʻrnatilgan.
2023-yilda 297 km kanal, 41 km lotok, 11 ta gidrotexnika inshooti, 2 ta koʻprik, 56 ta sugʻorish qudugʻi rekonstruksiya qilinib, qirgʻoqlarni himoyalash ishlari bajarilgan. Melioratsiya obyektlarini tizimli taʼmirlash va tiklash ishlari boʻyicha 316 mlrd soʻm oʻzlashtirilib (limitga nisbatan 94 foiz), 11 ming km kollektor-drenaj tarmoqlari taʼmirlangan.
Shu bilan birga, muhokama jarayonida senatorlar tomonidan sohada ayrim kamchilik va muammolar mavjudligi taʼkidlandi.
Jumladan, Suv xoʻjaligi vazirligi balansidagi suv xoʻjaligi obyektlarini davlat-xususiy sheriklik shartlari asosida xususiy sektorga berish ishlari yetarli darajada amalga oshirilmagan.
Strategiya doirasida Sirdaryo viloyatida 3 ta, Toshkent viloyatida 2 ta, Jizzax va Surxondaryo viloyatlarida 1 tadan yirik gidrouzel va irrigatsiya tizimini raqamli texnologiyalar asosida avtomatlashtirish ishlari bajarilmagan.
Vazirlik tizimidagi meliorativ ekspeditsiyalar sugʻoriladigan yerlarning meliorativ holatini ekspress baholash imkonini beruvchi zamonaviy texnikalar, tezkor koʻchma mobil laboratoriya va oʻlchov vositalari bilan yetarli darajada taʼminlanmagan.
Sugʻorish obyektlariga qurilmalarni sifatsiz oʻrnatish va ulardan toʻgʻri foydalanilmaslik oqibatida birgina Surxondaryo viloyatida markaziy bazaga integratsiya qilingan 56 ta qurilma nosoz holatga kelib qolgan hamda 2021-yil sentyabrdan buyon markaziy bazaga maʼlumot uzatmagan.
Muhokamalar jarayonida senatorlar tomonidan sohadagi kamchilik va muammolarni bartaraf etishga qaratilgan qator takliflar bildirildi.
Meliorativ ekspeditsiyalarning moddiy-texnik bazasini zamonaviy texnikalar, tezkor koʻchma mobil laboratoriya va oʻlchov vositalari bilan toʻliq taʼminlash, suv resurslaridan foydalanish samaradorligini oshirish, suvdan foydalanish madaniyatini yuksaltirish, suvni tejaydigan sugʻorish texnologiyalarni kengaytirilgan tartibda joriy etishni davom ettirish maqsadida joylardagi rahbar va xodimlarning shaxsiy javobgarligini kuchaytirish shular jumlasidan.
Shuningdek, senatorlar suv tejovchi texnologiyalarni joriy qilish ishlarini samarali tashkil etish hamda har bir hududda ulardan toʻgʻri foydalanish boʻyicha yetuk mutaxassislarni jalb qilgan holda koʻrgazmali seminarlar oʻtkazish hamda suv tejovchi texnologiyalarni joriy qilishning manzilli roʻyxatini shakllantirish, ularni toʻgʻri joriy etish va samarali ishlatish, mablagʻlarni maqsadli oʻzlashtirish borasidagi ishlarning natijadorligini oshirish zarurligiga eʼtibor qaratdilar.
Muhokama yakunida Senatning tegishli qarori qabul qilindi.
Foto: Akmal Muhammadov / 'Xalq so'zi'
Jizzaxda uyida qurol va giyohvand modda saqlagan erkak ushlandi
Jizzaxda uyida qurol va giyohvand moddalar saqlagan 58 yoshli erkak ushlandi. Bu haqda viloyat IIB matbuot xizmati xabar berdi. Qayd etilishicha, viloyat IIB tezkor qidiruv xizmati jinoyat qidiruv boshqarmasi hamda Davlat xavfsizlik xizmati xodimlari tomonidan o‘tkazilgan tadbirda Jizzax shahrining “Ittifoq” mahallasida yashovchi 58 yoshli fuqaro yashash xonadoni va yordamchi xo‘jaligida sport quroli saqlayotgani aniqlangan. Tekshiruv davomida ushbu shaxsning xonadonidan qu
“Prava” olish yanada murakkablashmoqda. Endi boʻlajak haydovchilar birinchi tibbiy yordam koʻrsatish boʻyicha amaliy imtihonlardan ham oʻtishi kerak
Vazirlar Mahkamasining 'Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha nodavlat taʼlim xizmatlarini koʻrsatish faoliyatini letsenziyalash tartibini yanada takomillashtirish chora-tadbirlari toʻgʻrisida'gi 408-sonli qaroriga (2018-yil 31-may) tegishli tartibda oʻzgartirish va qoʻshimchalar kiritildi.Qayd etilishicha, mazkur qarorning 24-bandiga koʻra, endilikda 'oʻquv tashkilotida avtomototransport vositalari
Senat yangi tahrirdagi “Elektr energetikasi to‘g‘risida”gi qonunni ma’qulladi
Bugun, 10 iyul kuni Senatning ellik to‘rtinchi yalpi majlisida yangi tahrirdagi “Elektr energetikasi to‘g‘risida”gi qonun muhokama qilindi va senatorlar tomonidan ma’qullandi. Bu haqda Senat matbuot xizmati xabar berdi. Ta’kidlanishicha, amaldagi qonun 2009 yilda qabul qilingan bo‘lib, unda elektr energiyasining ulgurji va chakana bozori, jumladan, sohada raqobatni qo‘llab-quvvatlash mexanizmlari nazarda tutilmagan, elektr ta’minotining ishonchli, xavfsiz
Oʻzbekistonning 6 ta viloyatida sel xavfi eʼlon qilindi
Bildirilishicha, quyidagi hududlarda sel-suv toshqin hodisalari yuzaga kelishi mumkin:Qayd etilishicha, yomgʻir suvlari toʻplanishi ehtimoli bor, bu esa hududlarni suv bosishiga olib kelishi mumkin.Togʻoldi va togʻli hududlarda istiqomat qiluvchi fuqarolar, dam oluvchilar hamda togʻli hududlarda harakatlanuvchi haydovchilardan ehtiyotkorlik choralarini koʻrishlari soʻralgan.