calendar 19 Jan 12:45
eye 49
comments 0
comments Manba: xs.uz

Bojxona kodeksiga oʻzgartirish va qoʻshimchalar kiritilmoqda

image
Senatning qirq toʻqqizinchi yalpi majlisida 'Oʻzbekiston Respublikasining Bojxona kodeksiga bojxona tartib-taomillarini yanada takomillashtirishga qaratilgan oʻzgartirish va qoʻshimchalar kiritish toʻgʻrisida'gi Qonun koʻrib chiqildi.

Taʼkidlash lozimki, soʻnggi yillarda mamlakatimizda tadbirkorlik faoliyatini amalga oshirishni yengillashtirish va ragʻbatlantirish maqsadida sohaga oid qator tartibotlar tanqidiy qayta koʻrib chiqilib, eskirgan, zamon talabiga javob bermaydigan byurokratik toʻsiq va gʻovlar bekor qilindi.



Koʻrilgan choralar natijasida respublikada ishbilarmonlik muhiti yaxshilanib, tadbirkorlik subyektlari va xususiy investorlar uchun keng imkoniyatlar yaratildi.

Shu bilan birga qonunchilikni xalqaro normalarga uygʻunlashtirish orqali tashqi savdoni yanada liberallashtirish zarurati mavjud.



Muhokama qilingan Qonun qonunchilikdagi boʻshliqlarni bartaraf etishga, tovarlarni olib kirishda bojxona qiymatini aniqlashga doir normalarni xalqaro standartlarga muvofiqlashtirishga qaratilgan.

Qonun bilan sohaga yangi amaliyotlar joriy etilmoqda.



Xususan, bojxona hududi reeksport bojxona rejimiga joylashtirilgan tovarlarni olib chiqish boʻyicha aniq muddatlar, shuningdek reeksportga olib chiqilmagan tovarlarning saqlash joylari belgilanmoqda.

2018-2020-yillarda bojxona omborlariga 488 partiyadagi qiymati 186,8 mln dollarga teng 125,6 ming tonna tovarlar olib kelingan boʻlib, bugungi kunga qadar 'bojxona ombori' bojxona rejimida muddati oʻtgan holda saqlanmoqda.

Ushbu Qonun tovarlar bir necha bor bojxona ombori bojxona rejimiga joylashtirilganda yoki boshqa shaxsga oʻtkazilganda bojxona ombori bojxona rejimining umumiy amal qilish muddati 3-yildan oshmasligi boʻyicha aniqlashtiruvchi norma bilan toʻldirilmoqda.

Shuningdek, Qonunga koʻra endilikda tovarlarni bojxona hududida qayta ishlashning texnologik jarayoni toʻgʻrisidagi hujjat kichik turdagi tashkilotlardan emas, balki faqatgina yirik davlat ulushi boʻlgan tashkilotlardan talab etiladi.

Mazkur yengillik tadbirkorlar uchun qayta ishlash rejimidan samarali foydalanish imkonini beradi.

Bundan tashqari, Qonun bilan tovarlar chiqarib yuborilguniga qadar tayinlangan bojxona ekspertizasining natijalari olingunicha tovarlarni chiqarib yuborishga ruxsat berilmoqda.

Olib chiqiladigan tovarlarga nisbatan toʻxtatib turish chorasini koʻrish mumkinligi boʻyicha norma kiritilmoqda. Bu amaliyot tovarlar eksportini amalga oshiruvchi milliy ishlab chiqaruvchilarga qulayliklar beradi. Xususan, bu oʻzi ishlab chiqargan tovarlarning kontrafakt nusxalarini xorijga eksport qilishning oldini oladi, chet davlatlarda milliy brendlarimiz obroʻsini oshiradi, halol raqobat muhitini (oʻzganing brendini oʻgʻirlamaslik) taʼminlaydi.

Senatorlarning taʼkidlashicha, mazkur Qonun milliy qonunchilik xalqaro standartlarga muvofiqlashtirilishini taʼminlashga, shu jumladan iqtisodiyotda teng raqobat uchun shart-sharoitlar yaratishga va chet el investitsiyalarini keng jalb qilishga xizmat qiladi.

Qonun senatorlar tomonidan maʼqullandi.


Doʻstlaringiz bilan ulashing

07 Mar 20:11
 
35
0
qalampir.uz

Yangi hafta dollar kursi tushishi bilan boshlanadi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 11 mart kuni amalda bo‘ladigan qiymatini belgiladi. Unga ko‘ra, dollarning rasmiy kursi 7,75 so‘mga pasayib, 12 503,11 so‘mni tashkil qildi. Yevro kursi esa 22,83 so‘mga ko‘tarilib, 13 630,89 so‘m etib belgilandi. Rossiya rubli 1,13 so‘mga tushib, 137,68 so‘mni tashkil etdi.

14 Mar 07:22
 
35
0
xs.uz

Tanzila Norboyeva Nyu-York shahrida BMT Ayollar holati boʻyicha komissiyasining 68-sessiyasida ishtirok etmoqda

Maʼlumot oʻrnida taʼkidlash lozim, Komissiya BMT Iqtisodiy va ijtimoiy kengashining ishchi organi boʻlib, xotin-qizlarning huquqlarini himoya qilish va ilgari surish boʻyicha xalqaro standartlarni hamda ularning bajarilishi yuzasidan takliflarni ishlab chiqish bilan shugʻullanadi.Ikki hafta davom etadigan tadbirda BMT va fuqarolik jamiyati vakillari Pekin deklaratsiyasining amalga oshirilishini muhokama qiladilar.Sessiya qashshoqlikni bartaraf etish, institutlar salohiyati va moliyalashtir

07 Mar 20:11
 
54
0
qalampir.uz

Toshkentda 8 mart kuni ayollar uchun jamoat transporti bepul bo‘lishi rostmi? 

Avvalroq, ijtimoiy tarmoqlarda Toshkentda 8 mart kuni ayollar uchun avtobuslar bepul bo‘lishi haqida xabarlar tarqaldi. “Toshshahartransxizmat” mazkur xabar yuzasidan rasmiy munosabat bildirdi. Unga ko‘ra, 8 mart kuni ayollar uchun jamoat transportining bepul bo‘lishi haqidagi xabarlar asossiz.  “Mazkur xabar tarqatilgan guruh admini bilan bog‘lanib, ushbu yolg‘on axborotni bartaraf etishlarini so‘rashimizga qaramasdan, mazkur guruh keng jamoatchilikka

07 Mar 20:11
 
37
0
qalampir.uz

O‘zbekistonda ketma-ket ikki zilzila bo‘ldi

Bugun, 7 mart kuni O‘zbekiston hududida ketma-ket ikki zilzila kuzatildi. Bu haqda Favqulodda vaziyatlar vazirligi Seysmoprognostik monitoring Respublika markazi xabar qiladi. Mahalliy vaqt bilan 00:33 da zilzila sodir bo‘ldi. Uning epimarkazi Toshkentdan 457 km janubiy-g‘arbda Qashqadaryo viloyatining Mirishkor tumanida bo‘lgan.  Zilzila koordinatalari: 38,77 gradus shimoliy kenglik; 64,95 gradus sharqiy uzunlik. Magnituda M=4,4. Chuqurlik 11 km.  O‘zbekiston Respubli