Joriy yilning 5 – 10-yanvarida Vatan himoyachilari kuni munosabati bilan IIV Xalqaro aeroportlarda xavfsizlikni ta'minlash bo‘yicha qo‘shinlari qo‘mondonligi harbiy xizmatchilari o‘rtasida sportning shaxmat, stol tennisi va voleybol turlari bo‘yicha musobaqalar bo‘lib o‘tdi. Murosasiz va bahslarga boy bo‘lgan musobaqalar yakuniga ko‘ra, shaxmat bo‘yicha 2-o‘rinni tibbiy xizmat mayori Sanjar Mamarasulov egalladi. Faxrli 1-o‘rinni leytenant M. Qutbiddinov qo‘lga kiritdi. Stol tennisi musobaqasida 2-o‘rin kichik serjant Foziljon Axmadalievga nasib etdi. Birinchi o‘rinni podpolkovnik Azizbek Yunusov egalladi. Qizg‘in va shiddatli kechgan voleybol musobaqasida esa 2-o‘rinni "Shtab" jamoasi qo‘lga kiritdi. Sportning bu turida "Texnika" jamoasiga teng keladigan raqib topilmadi. Bayramga bag‘ishlangan sport musobaqalari qo‘shin harbiy qismlarida ko‘tarinki ruhda davom etmoqda.  

O‘ktamjon MUSURMONQULOV, 

podpolkovnik.