Buxoro shahriga yangi hokim tayinlandi

Siyosat
Havola olish
14 0 0
https://cdn1.img.sputniknews-uz.com/images/07e5/02/0e/15995064.jpg
Sputnik O'zbekiston
https://sputniknews-uz.com/politics/20210214/15995102/Bukhoro-шariga-яngi-okim-tayinlandi.html

Buxoro shahar hokimi vazifasini bajaruvchi sifatida ishlab kelayotgan O'tkir Jumayev Buxoro shahri hokimi etib tasdiqlandi.

TOShKENT, 14 fev — Sputnik. O'tkir Jumayev Buxoro shahar hokimi etib tasdiqlandi. Bu haqda shahar hokimligi matbuot xizmati xabar qilmoqda.

Xalq deputatlari Buxoro shahar Kengashining navbatdagi sessiyasida Buxoro viloyat hokimining 2021 yil 12 fevraldagi tegishli qaroriga asosan Buxoro shahar hokimi lavozimiga O'tkir Hikmatovich Jumayevni tasdiqlash masalasi ovozga qo'yildi. Nomzod deputatlar tomonidan bir ovozdan tasdiqladi.

Утвержден хоким Бухарской области - Ботир Комилович Зарипов
Press-slujba prezidenta Uzbekistana
Buxoro viloyatiga hokim tasdiqlandi

O'tkir Jumayev 1975 yilda Buxoro viloyati Romitan tumanida tug'ilgan. Maʻlumoti oliy. 1997 yil Buxoro oziq-ovqat va yengil sanoat texnologiyasi institutini, 2011 yil O'zbekiston prezidenti huzuridagi Davlat va jamiyat qurilishi akademiyasini bitirgan.

Jumayev mehnat faoliyatini 1997 yilda «Buxorosuvqurilish» aktsionerlik jamiyatining 37-son ko'chma mexanizatsiyalashgan kolonnasi ishlab chiqarish bo'limi muhandisligidan boshlagan.

2009-2010 yillarda «Buxoroavtoyo'l» hududiy yo'llardan foydalanish davlat korxonasi direktori, 2011-2012 yillarda «Buxoroavtoyo'l» hududiy yo'llardan foydalanish davlat tashkiloti direktori, 2012-2015 yillarda «KNAUF GIPS BUXORO» MChJ shaklidagi xorijiy korxona o'quv markazi boshlig'i, 2015-2019 yillarda «KNAUF GIPS BUXORO» MChJ shaklidagi xorijiy korxona direktorining qurilish masalalari bo'yicha o'rinbosari lavozimlarida mehnat qilgan.

U 2020 yil mart oyida Buxoro shahar hokimi vazifasini bajaruvchi etib tayinlangan edi.

Asosiy mavzular