BMT Bosh kotibi koronavirusga qarshi emlandi

Birlashgan Millatlar Tashkiloti Bosh kotibi Antoniu Guterrish yangi koronavirusga qarshi vaktsinaning birinchi dozasini qabul qildi. 

"Men bugun COVID-19 ga qarshi vaktsinaning birinchi dozasini qabul qilganimdan xursandman va minnatdorman. Biz vaktsina bilan hamma joyda barcha emlana olishi uchun ishlashimiz kerak. Ushbu pandemiya bilan barchamiz xavfsiz bo'lmagunimizcha, hyech birimiz undan qocha olmaymiz", deb yozgan Guterrish o'zining Twitter'dagi sahifasida. 

U qanday vaktsina bilan emlanganiga aniqlik kiritmagan. 

So'nggi maʻlumotlarga ko'ra, dunyoda koronavirusga chalinganlar 102 mln 36 ming 438 nafarga yetgan. 2 mln 200 ming 957 kishi virus qurboni bo'lgan.