Chang ostida qolgan Toshkent

Foto: Toyirov Abdumutalib / “Xalq so‘zi”

Bugun, 11-sentyabr kuni Toshkent shahri hududida kuchli changli shamol boʻlmoqda. Havo tarkibidagi xiralik havodagi mayda chang zarrachalari hisobiga kuzatilmoqda.

Gʻarbiy shamollarning kuchayishi, poytaxt hududlarida quruq tuproq sirti, qolaversa, poytaxt gʻarbi qoʻshni Qozogʻiston hududlaridagi chang zarrachalarini havoga koʻtarmoqda.

Toshkent shahar hokimligi noqulay ob-havo sharoitida avtotransport vositalarini daraxtlar tagida qoldirmaslikni, oʻzingiz va yaqinlaringizni ehtiyot qilishingizni taʼkidladi.

Soat 15.30 da Toshkent xalqaro aeroporti aerodromida koʻrinish masofasi 1600 metrgacha cheklangan chang boʻroni kuzatildi.