Oʻzbekiston Respublikasi Vazirlar mahkamasining Qarori bilan umumiy ovqatlanish, turoperatorlik va mehmonxona xizmatlarini koʻrsatuvchi tadbirkorlik subyektlariga byudjetga toʻlangan qoʻshilgan qiymat soligʻining bir qismini qaytarish tartibi toʻgʻrisidagi Vaqtinchalik Nizomi tasdiqlandi

'Huquqiy axborot' kanalining'xabar berilishicha,'vaqtinchalik Nizomga koʻra, 2024-yil 1-oktyabrdan boshlab turoperatorlik va mehmonxona xizmatlarini koʻrsatuvchi tadbirkorlik subyektlariga ' byudjetga toʻlangan soliqning 20 foizi qaytariladi.

Maʼlum boʻlishicha, 2025-yil 1-yanvardan boshlab umumiy ovqatlanish xizmatlarini koʻrsatuvchi tadbirkorlik subyektlariga oylik tovarlarni (xizmatlarni) realizatsiya qilish boʻyicha aylanmasining naqd pulsiz qismi qaytariladi.

Bunda 60 foiz va undan yuqori boʻlganda ' byudjetga toʻlangan soliqning 40 foizi, 60 foizdan kam boʻlganda ' byudjetga toʻlangan soliqning 20 foizi qaytariladi.

Shuningdek, tadbirkorlik subyekti soliq hisobotini taqdim etgandan soʻng, lekin 3 oydan kechiktirmasdan soliqning bir qismini qaytarish uchun murojaat qilishga haqli.

Soliqning bir qismi bir qator shartlar toʻliq bajarilganda avtomatik ravishda qaytariladi:

Birinchidan, hisobot davrida soliq boʻyicha taqdim etilgan soliq hisobotiga muvofiq hisoblangan soliq byudjetga toʻliq toʻlanganda;

Ikkinchidan, hisobot davrida umumiy ovqatlanish, turoperatorlik yoki mehmonxona xizmatlarini koʻrsatish boʻyicha umumiy tovar aylanmasi jami tovar aylanmasining 90 foizidan kam boʻlmaganda;

Uchinchidan, hisobvaraq-fakturalarda yoki nazorat-kassa texnikasi cheklarida realizatsiya qilingan tovarlar (xizmatlar) nomenklaturasi hamda faoliyatining oʻziga xos xususiyatlariga yoki amalga oshiriladigan turlariga muvofiq boʻlgan identifikatsiya kodlari aks ettirilgan qismiga nisbatan.

Qayd etilishicha, vaqtinchalik Nizom 2028-yil 1-yanvarga qadar amal qiladi.

Avvalroq,'yuridik shaxslar soni yarim milliondan oshgani haqida xabar berilgandi.