Maʼlum qilinishicha, Markaziy bankning Bank nazorati qoʻmitasi tomonidan iyun oyidagi yigʻilishlarida (yetti marta) 42 ta masala koʻrilgan va ular boʻyicha tegishli qarorlar qabul qilingan.

Unga koʻra, roʻyxatga olish va ruxsat berish yoʻnalishida 28 ta masala koʻrilgan. Shuningdek, kredit tashkilotlarining moliyaviy holatiga oid 14 ta masala ' Markaziy bankning koʻrsatmalari va prudensial meʼyorlari talablarining bajarilishi, banklar va mikromoliya tashkilotlarida oʻtkazilgan tekshirishlar natijalari ham muhokama qilingan.

Markaziy bank tomonidan oʻrnatilgan iqtisodiy meʼyorlar talablariga rioya qilinmagani'hamda'Markaziy bankka taqdim etilgan maʼlumotlarda noaniqliklarga yoʻl qoʻyilgani va tekshirish natijalarida aniqlangan qoidabuzarliklar uchun 11 ta bank, 1 ta mikromoliya tashkiloti va 1 ta lombardga nisbatan jarima sanksiyasi qoʻllanilgan.

Bundan tashqari, qoʻmita tomonidan bank tizimi barqarorligini saqlash, omonatchilar va investorlar huquqlarini himoya qilish tamoyilidan kelib chiqib, tijorat banklari boshqaruvlari va mikromoliya tashkilotlari rahbariyatlariga aniqlangan kamchiliklarni tuzatish, ular boʻyicha tegishli chora-tadbirlar ishlab chiqish, oʻrnatilgan prudensial normativlarga amal qilish, bank faoliyatida mavjud zaifliklarni bartaraf etish va moliyaviy holatini sogʻlomlashtirishga qaratilgan talablarga rioya qilish yuzasidan tegishli koʻrsatmalar berilgan.