Iyun oyidagi tadqiq natijalariga koʻra, respublika boʻyicha avtotransport vositalarining umumiy savdolari 13,6 foizga kamaygan hamda qariyb 87 ming donani tashkil etgan. Yillik hisobda bozor faolligi 1,4 baravarga qisqargan.

Shu bilan birga, yangi yengil avtomobillarning birlamchi bozori ikkilamchi bozorga qaraganda ancha barqaror dinamikani namoyish etmoqda. Elektr avtomobillar segmenti esa alohida qiziqish uygʻotmoqda, bu yoʻnalishda birlamchi bozorda sotuvlarning 28 foizga pasayganiga qaramasdan, ikkilamchi bozor 2,4 foizga oʻsishni namoyon etgan.

Yengil avtomobillar segmentidagi vaziyat

Oldingi oyga nisbatan 14 foizga oʻsish kuzatilgan may oyida yengil avtomobillar savdolari yil boshidagi bir oz pasayishdan soʻng tiklanish belgilarini koʻrsatayotgan edi. Biroq iyun oyida sotuvlar hajmi yana 13,3 foizga, 77,6 ming donagacha pasayishi yuz bergan.

Yil hisobida yengil avtomobillar bozori ham qisqardi, bu yoʻnalishda sotuvlar bir yilda 1,4 baravarga pasaygan.

Hududiy kesimda yengil avtomobillar savdosining dinamikasi shuni koʻrsatmoqdaki, iyun oyida eng katta pasayish Surxondaryo va Andijon viloyatlarida, shuningdek, Qoraqalpogʻiston Respublikasida ' oʻrtacha 22 foizga ' qayd etilgan.

Shu bilan birga, baʼzi hududlarda sotuvlar oshgani kuzatilgan. Xususan, 6 oyda Xorazm va Navoiy viloyatlarida oʻtgan yilning muqobil davriga solishtirganda oʻrtacha 7 foizlik ijobiy dinamika kuzatilmoqda.

Birlamchi avtobozordagi vaziyat

Iyun oyida yengil avtomobillarning birlamchi bozorida savdolar oʻtgan oyga nisbatan 9 foizga kamaygan hamda 26 ming donadan oshgan. Yillik hisobda faollikning kichikroq ' 5,3 foizga pasayishi qayd etilmoqda.

Shunday qilib, yangi yengil avtomobillarning birlamchi bozori ikkilamchi bozorga nisbatan ancha barqaror dinamikani namoyish etmoqda. Iyun oyida mahalliy ishlab chiqarilgan yangi avtomobillar sotuvining qisqarish tendensiyasi davom etgan. Xususan, bunday avtomobillar sotuvlari may oyiga nisbatan qariyb 10 foizga pasaygan. Yillik hisobda ushbu segmentda faollikning bir oz ' atigi 0,8 foizga pasayishi kuzatilmoqda.

Yengil xorijiy avtomobillar segmenti turgʻunligi davom etmoqda

Oʻzbekiston bozorida xorijiy yengil avtomobillar bozori turgʻunlik belgilarini namoyon etmoqda. Iyun oyida ushbu segmentdagi sotuvlar atigi 0,4 foizga oʻsgan va 2,4 ming dona atrofidani tashkil etgan. Faollikning nisbatan kichik oʻsishi yillik hisobda sotuvlarning sezilarli pasayishini qoplamaydi. Bu koʻrsatkich oʻtgan yilga nisbatan qariyb 34 foizni tashkil etgan.

Yengil avtomobillar ikkilamchi bozori

Yengil avtomobillar ikkilamchi bozoridagi vaziyat sotuvlar dinamikasining pasayishi, yillik sotuvlar hajmining pasayish tendensiyasini saqlab qolayotgani bilan tavsiflanadi.

Xususan, iyun oyida yengil avtomobillarning ikkilamchi bozoridagi faollik oʻtgan oyga nisbatan 15,3 foizga pasaygan, oʻshanda pasayish 3,4 foizni tashkil etgan edi. Hisobot davrida ushbu segmentda 51,5 ming atrofida avtomobil sotilgan. Umuman olganda, sotuvlar yillik hisobda 1,6 baravardan koʻpga qisqardi.

Elektromobillar bozoridagi vaziyat

Iyunda yengil elektromobillar segmenti sotuvlarning pasayishini namoyon etdi. Sotuvlar hajmi 3 ming donaga yetgan, bu esa may oyidagiga nisbatan 800 dan ortiqqa kamdir. Shunga qaramasdan, elektromobillar savdosi oʻtgan yilning iyun oyi darajasiga nisbatan 1,3 baravarga oshgan.

Agar Oʻzbekistonda elektromobillar birlamchi bozorida sotuvlar bir oy ichida sezilarli darajada ' 28 foizga qisqargan boʻlsa, ikkilamchi bozorda buning aks tendensiyasi kuzatilmoqda. Bu segmentda mart oyidan buyon faollikning oʻsishi qayd etilmoqda. Iyun oyida bu koʻrsatkich 2,4 foizni tashkil etgan.