Bugun, 31 may kuni Toshkent vaqti bilan 23:00 da Saudiya Arabistoni Qiroli kubogi finalida “Al-Nasr” va “Al-Hilol” klublari kuch sinashadi. Agar mazkur o‘yinda “Al-Nasr” g‘alaba qozonsa, bu kubok Ronaldu uchun Saudiyadagi ikkinchi sovrin bo‘ladi.
Bundan oldin Ronaldu jamoasi bilan o‘tgan yilning avgust oyida Arab chempionlar ligasi kubogini qo‘lga kiritgandi.
Qayd etish joiz, “Al-Nasr” va “Al-Hilol” klublari o‘rtasidagi so‘nggi bahs joriy yilning 18 may kuni Saudiya ligasi doirasida o‘tkazilib, o‘yinda durang natija qayd etilgandi. “Al-Hilol” klubi futbolchisi Mitrovich 90+10 daqiqada penalti evaziga hisobni tenglashtirib, jamoasini mag‘lubiyatdan qutqarib qolgandi.
Ma’lumot uchun, 39 yoshli Ronaldu joriy mavsum “Al-Nasr” safida 31 o‘yinda maydonga tushib, 35 marotaba raqib darvozasini ishg‘ol qildi va Saudiya Arabistoni chempionati “Oltin butsa”sini qo‘lga kiritdi.
Xabibulloh Rayimov