Bilib-bilmay o‘zi anglamagan holda, jinoyat sodir etib, berk ko‘chaga kirib qolgan va o‘zining sodir etgan qilmishi sababli panjara bilan qoplangan «tarbiya muassasasi»ga kelib qolgan shaxslar ham yo‘q emas. Aksariyat mahkumlar o‘z qilmishidan pushaymonligini, qayta jinoyat sodir etmasligini va bu yo‘ldan boshqa yurmasligini ta’kidlaydi. Lekin ular orasida turli sabablarga ko‘ra, har xil turdagi jinoyatlarni sodir etgan va bu yo‘ldan qaytmasdan, takroran bir necha marotaba jinoyat sodir etib, qilmishiga yarasha javobgarlikka tortilganlari ham bor.

O‘z qilmishining qonunga xilofligini anglab yetib, tuza­lish yo‘liga kirgan shaxs­larga oilasi bag‘riga qaytish imkonini berish yurtimizda olib borilayotgan bag‘rikenglik va kechirimlilik siyosatining yorqin namunasi sanaladi. Xususan, Prezidentimizning 2024-yil 8-apreldagi «Ozod­likdan mahrum qilish jazo­sini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan bir guruh shaxs­larni afv etish to‘g‘risida»gi  farmoniga binoan, 426 nafar shaxsning afv etilgani fikrimiz tasdig‘idir. 

Xulosa o‘rnida aytish joizki, Hayotda o‘zi bilib-bilmagan holda jinoyat ko‘chasiga kirib qolgan shaxslarni to‘g‘ri yo‘lga boshlash, ularni jamiyatga qaytarish, kechirimli bo‘lish va ozodlikka chiqqan shaxs­larning ijtimoiy mos­lashuvini ta’minlash, qayta jinoyat sodir etishining oldini olish choralari ko‘rilyapti. Bu boradagi ishlarning samaradorligini oshirish maqsadida ularni yangicha g‘oyalar va yondashuvlar asosida tashkil etish muhimdir. 

Farangiz 

HAMRAYEVA,

IIV Akademiyasi bitiruvchisi.