“Chelsi” klubining ukrainalik futbolchisi Mixail Mudrik ijtimoiy tarmoqlardagi muxlisning tanqidiga keskin javob qaytardi.

Jamoa muxlislaridan biri internetda Mudrik bilan yozishmalarini e’lon qildi. Yozishmalarda muxlis futbolchini yomon o‘yini uchun tanqid qilgan. U Mudrikdan futbol o‘ynashni unutganmisan, deb so‘ragan va mashg‘ulotlarda qo‘shimcha ravishda yakkama-yakka o‘ynashni taklif qilgan.

“Keling, yakkama-yakka o‘ynaymiz. 10 ming funtga. O‘zi yaxshi o‘ynay olasizmi?”, deb javob qaytardi Mudrik.

Qayd etish joiz, London klubi Angliya chempionatining oxirgi turida o‘z uyida “Vulverxempton”ni qabul qilib, 4:2 hisobida imkoniyatni boy berdi. “Chelsi” hozirda chempionat turnir jadvalida 31 ochko bilan 11-o‘rinda bormoqda.

Mudrik joriy mavsumda klub safida barcha musobaqalarda 25 ta o‘yinda maydonga tushib, 4 ta gol urdi va 3 ta golli uzatmani amalga oshirdi.