calendar 29 Nov 15:23
eye 40
comments 0
comments Manba: xs

Qizilqum shimolida suyultirilgan gazdan muammo boʻlmaydi

image

Qizilqum shimoliga qish ancha erta keladi. Mabodo qor qalinroq yogʻib, yoʻllar yopilib qolsa, ushbu kengliklarda istiqomat qilayotgan Uchquduq va Tomdi tumanlarining aholisiga kundalik ehtiyoj mahsulotlarini yetkazish anchagina qiyinchilik tugʻdiradi. Shu bois ushbu hududlarda kuz-qish mavsumiga zaxira tayyorlashga alohida eʼtibor qaratilib, oziq-ovqat va qishloq xoʻjaligi mahsulotlaridan tashqari yoqilgʻi moylash materiallari ham issiq-iliq kunlarda gʻamlab olinadi. Xususan, ayni kunlarda uchquduqliklarning suyultirilgan gazdan tashvish tortmasliklarining choralari koʻrilmoqda.

— Bugungi kunda tumanimiz boʻyicha jami 9 ming 710 ta aholi isteʼmolchilari suyultirilgan gazdan foydalanayotgan boʻlib, ularning 2947 tasiga maishiy gaz ballonlari, 6763 tasiga esa gazgolder kurilmalaridan gaz kuvurlari yordamida ushbu neʼmat yetkazib beriladi, — deydi “Uchquduqtumangaz” gaz taʼminoti boʻlimi suyultirilgan gaz xizmati boshligʻi Shahboz Toshmurodov. — Ushbu aholi isteʼmolchilariga tumanimizda maxsus rusumli avtotransport vositalari xizmat koʻrsatadi. Tumanda kuz-qish mavsumiga tayyorgarlik koʻrish maqsadida transport vositalarimiz shay holatga keltirilib, yetarli miqdorda gaz ballonlar zaxirasi yaratilgan.

Tumanda “Uchquduq” gaz toʻldirish stansiyasi faoliyat koʻrsatadi. Ushbu stansiya 270 — 280 tonnagacha suyultirilgan gazni qabul qilib olish quvvatiga ega boʻlib, asosan uchquduqliklar, zaruriyat tugʻilganida esa Zarafshon shahri va Tomdi tumani isteʼmolchilarini ham suyultirilgan gaz bilan taʼminlaydi.

Gaz toʻldirish stansiyasida kuz-qishki mavsumiga tayyorgarlik doirasida 200 tonnaga yaqin suyultirilgan gaz zaxirasi yaratildi. Mazkur maskandan bir kunda gazgolder qurilmasi orqali 6 tonnadan 9 tonnagacha, maishiy gaz ballonlar orqali esa 2 tonnadan 4,2 tonnagacha suyultirilgan gaz isteʼmolchilarga joʻnatiladi.

— Bu 20-25 kunga yetadigan miqdorda zaxira yaratildi, demakdir, — deya davom etadi Sh. Toshmurodov. — Albatta, shu muddat ichida gaz sigʻimlari yana toʻldiriladi.

“Hududgaztaʼminot” AJ Navoiy gaztaʼminot filiali tomonidan OAVlari vakillari uchun uyushtirilgan press-turda jurnalistlar “Uchquduq” gaz toʻldirish stansiyasi faoliyati bilan tanishib, oʻzlarini qiziqtirgan savollarga javob olishdi.

Shuningdek, press-tur ishtirokchilari viloyatning Zarafshon shahrida energiya tejamkor gaz uskunalarini oʻrnatish, uning afzalligi borasidagi targʻibot-tashviqot ishlari hamda hududda kuz-qish mavsumiga tayyorgarlikning ahvolini oʻrganib, isteʼmolchilarning fikr- mulohazalari va takliflarini tinglashdi.

Temur ESHBOYEV, “Xalq soʻzi”.


Doʻstlaringiz bilan ulashing

31 Jan 12:48
 
25
0
qalampir.uz

O‘zbekistonda sement zavodlarini qurish to‘xtatib qo‘yiladi – Ekologiya vaziri 

O‘zbekistonda yangi sement zavodlari qurishga moratoriy e’lon qilinishi mumkin. Bu haqda kecha, 30 yanvar kuni Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov Oliy Majlis Qonunchilik palatasi majlisida ma’lum qildi. “Hozir mana qaror qabul qilindiki, O‘zbekistonda yangi sement zavodlarini qurishga moratoriy e’lon qilamiz, ya’ni to‘xtatib qo‘yamiz”, deydi Abduhakimov.  Vazirning aytishicha, bugungi kunda O‘zbekist

01 Feb 09:57
 
37
0
qalampir.uz

O‘zbekistonliklarning Qozog‘istonda qolish muddati uzaytirildi

O‘zbekiston fuqarolari chegarani kesib o‘tgan kundan 30 kun davomida Qozog‘istonda ro‘yxatdan o‘tmasdan yurishlari mumkin. Bu haqda O‘zbekiston Tashqi mehnat migratsiyasi agentligi axborot xizmati xabar berdi. Qayd etilishicha, O‘zbekiston va Qozog‘iston hukumatlari o‘rtasidagi “Fuqarolarning o‘zaro kelib-ketish shartlari to‘g‘risida”gi bitimga o‘zgartirish kiritilib, o‘zbekistonliklarning ushbu davlatga kirishi, bo‘lishi va chiqib ketishi tartibi o

04 Jan 16:15
 
30
0
xs.uz

Oʻzbekiston bilan Italiya Respublikasi oʻrtasida shartnomalar ratifikatsiya qilindi

Unga koʻra, Oʻzbekiston bilan Italiya Respublikasi oʻrtasida quyidagi shartnomalar ratifikatsiya qilindi: ' Ushlab berish toʻgʻrisidagi Shartnoma (Rim, 2023-yil 8-iyun); ' Jinoiy ishlar boʻyicha oʻzaro huquqiy yordam toʻgʻrisidagi Shartnoma (Rim, 2023-yil 8-iyun); ' Mahkumlarni topshirish toʻgʻrisidagi Shartnoma (Rim, 2023-yil 8-iyun).

03 Feb 14:41
 
32
0
qalampir.uz

Toshkent viloyatida bosh mutaxassis, Buxoroda esa arxitektor pora bilan ushlandi

Davlat xavfsizlik xizmati Toshkent viloyatida bosh mutaxassisni, Buxoroda esa arxitektorni pora bilan ushladi. Bu haqda O‘zA xabar berdi. Toshkent viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi bosh mutaxassisi mahalliy tadbirkor tomonidan O‘rtachirchiq tumanida qurilgan 3 qavatli savdo majmuasi binosini foydalanishga qabul qilib berish va boshqa hujjatlarini tegishli tashkilotlarda ishlovchi tanishlari orqali hal qilib berishni va’da qilga