Misrning Giza piramidalari majmuasi yonida “Abadiyat – bugun” nomli birinchi lend art ko‘rgazmasi bo‘lib o‘tmoqda.

YuNESKO va Misr qadimiy obidalar vazirligi bilan muzokaralar olib borish uchun tashkilotchilarga uch yil kerak bo‘ldi.

Ko‘rgazmada dunyoning turli mamlakatlaridan 10 nafar rassom – Joau Trevisan, Stiven Koks, Sherin Girgi, italiyalik haykaltarosh va kino aktyori Lorenso Kuinn, Moataz Nasr, rossiyalik sayohatchi Aleksandr Ponomarev, Sulton bin Fahad, amerikalik rassom Gizela Kolon, fransuz graffitchisi va rassomi JR hamda Shuster + Moseley art-studiyasi ishtirok etdi.

“To‘rt yillik orzu, ikki yillik ijod, nihoyat vaqti keldi. Dunyoning 10 ta mashhur zamonaviy rassomi dunyoning eng go‘zal joyi –  Buyuk Giza piramidalarida aqlbovar qilmaydigan inshootlarni namoyish etadi”, – deb yozadi tashkilotchilar. Ko‘rgazma 2021-yilning 7-noyabriga qadar davom etadi.

Ishtirokchilar orasida rossiyalik rassom Aleksandr Ponomarev “Uroboros” instalyatsiyasi bilan ishtirok etdi. Dinamik qurilmaning dizayni qayiqni eslatadi.