Botir MADIYOROV/'Xalq soʻzi'. Ayni kunlarda Yevropada xavfsizlik va hamkorlik tashkiloti (YEXHT)ning uzoq muddatli kuzatuvchilari ' Benedikt Uilyams va Mixael Xausmann Fargʻona viloyatida saylovga tayyorgarlik jarayonlari bilan yaqindan tanishmoqda.

Fargʻona viloyati hududiy saylov komissiyasi raisi Erkinjon Nuraliyev bilan yuzma ' yuz muloqotda xorijlik kuzatuvchilar bir qator shahar ' tumanlarda boʻlib saylovchilar bilan suhbatlashgani hamda saylovga tayyorgarlik jarayonlari bilan bogʻliq taraddud ishlari yuksak darajada tashkil etilayotganini eʼtirof etishdi. Oʻz navbatida, yevropalik kuzatuvchilarga hududiy saylov komissiyasi zimmasidagi asosiy vazifalar, saylov komissiyalari aʼzolarining bilim va amaliy tajribasini oshirish, saylovchilarning elektron roʻyxatini shakllantirish hamda siyosiy partiyalar tomonidan saylovoldi tashviqotini olib borish uchun yaratilgan teng sharoitlar xususida maʼlumot berildi.



' Fargʻona viloyatidagi oʻrganishlar davomida hududiy saylov komissiyasi aʼzolarining ish faoliyati, ularga yaratilgan shart 'sharoitlar bilan ham yaqindan tanishdik,'deydi YEXHTning uzoq muddatli kuzatuvchisi Benedikt Uilyams.'Saylovga tayyorgarlik ishlari milliy hamda xalqaro tartib-tamoyillarga muvofiq tarzda olib borilmoqda. Hududiy saylov komissiyalari aʼzolarining siyosiy madaniyati yuksak darajada.

Shuningdek, yurtingiz tabiati, bozorlardagi moʻl-koʻlchilik ham bizga manzur boʻldi.