сўнги янгиликлар
29 Янв, 16:01
 
65
0
Zarnews.uz

2023 йилги бюджети атрофидаги мулоҳазалар: Қачонгача аграр соҳага жалб этиладиган инвестициялар саноатга нисбатан паст бўлади?

2023 йилги бюджети атрофидаги мулоҳазалар: Қачонгача аграр соҳага жалб этиладиган инвестициялар саноатга нисбатан паст бўлади?

Янгиликни кўриш

2022 йилнинг 29 декабрида халқ депутатлари вилоят Кенгашининг қарори асосида Самарқанд вилоятининг 2023 йилги бюджети тасдиқланди. Унга кўра, ялпи ҳудудий маҳсулот ҳажми 74,5 трлн. сўм бўлиши, унинг ўсиш суръати 6,1 фоиз, жумладан, саноатда 7,3 фоиз, қишлоқ хўжалигида 3,7 фоизга ўсиши кўзда тутилган.

Савол туғилади: нима учун озиқ-овқат хавфсизлигини таъминловчи, саноат учун хомашё етказиб берувчи, экспорт салоҳиятини рўёбга чиқаришга хизмат қилувчи аграр соҳанинг ўсиш суръатлари бошқа соҳалардан кўра пастроқ бўлиши керак?! Албатта, бундай ёндашув натижаси ўлароқ, истеъмол товарлари нархининг йиллик индекси 12 фоиздан паст бўлмайди-да. Таъкидлаш жоизки, бундай ҳолат нафақат Самарқанд вилояти, балки бутун республикага ҳам хос бўлган нарса.

Иқтисодиёт назариясидан маълумки, аграр соҳа капиталининг техник тузилиши бу ердаги ишлаб чиқаришни бошқа соҳаларга нисбатан камроқ маблағлар билан ва тез суръатларда ошириш  имконинини беради. Нега бизлар умумбашарият риоя қилиб келаётган иқтисодий қонунни инкор қилишимиз керак? Қачонгача аграр соҳанинг асосий капиталига жалб этиладиган инвестициялар саноатга нисбатан 2-3 марта паст бўлиб қолаверади?

Агар вилоят ЯҲМни 2023 йилда мамлакат бўйича башорат қилинаётган ЯИМ билан солиштирсак, 7,5 фоизлик улуш келиб чиқади, бу эса аҳоли жон бошига тўғри келадиган маҳсулот мамлакат ўртача кўрсаткичидан анча паст дегани. Шу сабабдан, маҳаллий бюджетнинг даромадлари харажатларга нисбатан 2,2 трлн. сўм кам миқдорда башорат қилинаётганининг гувоҳи бўлиб турибмиз. Энди таҳлилни бирмунча чуқурлаштирайлик.

4 958,8 млрд. сўмлик даромадларнинг 1,0 трлн. сўмлиги жисмоний шахслардан ундириладиган даромад солиғидан иборат эканлигини кўриш мумкин. Бир қарашда бу жуда катта рақам, ҳаттоки даромадлардаги улуши ҳам 20,0 фоизга тенг. Танганинг бошқа томонига эътибор қаратайлик: даромад солиғи 1,0 трлн. сўмга тенг бўлиши учун иш ҳақи фонди 8,3 трлн. сўмни ташкил этиши (солиқ ставкаси 12 фоиз), бу эса 300 минг киши ўртача ҳисобда ойига 2,3 млн. сўмлик маошга эга бўлишини англатади. Бу реал нарса. Лекин нима учун 2 миллионга яқин меҳнатга лаёқатли аҳолининг атиги 15 фоизи даромад солиғи тўловчиси сифатида амал қиляпти, деган савол депутатларни қийнамаётганига ҳайрон бўлмасдан иложимиз йўқ.

Маълумки, инсон қариган чоғида ижтимоий жиҳатдан ҳимояланган бўлиши керак. Тегишли меҳнат стажига эга бўлса-да, ўз вақтида иш ҳақига эга бўлганлигини давлат идоралари олдида исботлай ололмаса, қониқарли пенсиядан умид қилмаса ҳам бўлади. Тасаввур қилинг, вилоят аҳолисининг 1,7 миллион нафари шунақа ҳолатда, яъни уларга иш ҳақи ҳисобланмаяпти, бу эса вақти келганда муносиб қариликдан маҳрум бўлишга асос бўладиган сабабдир. Энди бундай ташвишли вазиятдан чиқишнинг мавжуд имкониятлари тўғрисида бош қотириб кўрайлик.  

Сир эмас, мустақиллик йилларида Ўзбекистон иқтисодиётида ўзига хос таркибий тузилиш шаклланди, яъни унинг ташкилий сектор доираси тор даражадаги кўринишга эга бўлди. Бунинг исботи сифатида қишлоқ хўжалиги маҳсулотларининг ярмидан кўпи якка тартибда фаолият кўрсатадиган тадбиркорлар ёрдамида ишлаб чиқарилаётганини мисол қилиб кўрсатиш мумкин. Аграр соҳанинг ташкилий секторидаги ҳолатни ҳам ижобий баҳолаб бўлмайди. Мисол учун, 50 гектар ва ундан кўпроқ ер майдонига эга бўлган фермер хўжаликларида доимий ва расман банд бўлган кишиларнинг сони 6-7 кишидан ошмайди. Уларнинг аксарият  қисмида техник-муҳандис, иқтисодчи ёки ҳисобчи лавозими штат бирликларида кўзда тутилмаган. 20 минг гектар ва бундан кўпроқ суғориладиган ерларда деҳқончилик амалга ошириладиган туманларда кўпи билан 10-15 агроном фаолият кўрсатади, холос.

Яқин келажакда мева-сабзавот экспортини йилига 7,0 млрд. долларга етказиш ва шунинг эвазига ташқи савдо фаолиятидаги салбий сальдони имкон қадар қисқартириш, юқори суръатлар билан ўсиб бораётган аҳолининг рационал овқатланишини таъминлашдек вазифалар долзарблиги юқорилаб бормоқда. Шу нуқтаи назардан аграр соҳа ташкилий доирасини кенгайтириш борасидаги ишларни замон талабига жавоб беради, деб бўлмайди. Деҳқон хўжаликлари ташкил этиш билан бирга йирик, комплекс тарзда механизациялашган, сабзавотчилик ва картошкачиликка ихтисослашган корхоналарни ташкил этиш йўлга қўйилса, ҳам иқтисодий самарадорлик ошади, ҳам ижтимоий масалаларнинг ҳал этилишига кенг йўл очилади. Оддий ҳисоб-китобларга кўра, фақат вилоят аграр соҳасини ислоҳ қилиш ва шу ҳисобдан унинг ташкилий сектор доирасини кенгайтириш ҳисобидан жисмоний шахслар тўлайдиган даромад солиғи базасини икки-уч маротаба ошириш мумкин.

Ғалланинг харид нархлари оширилиши натижасида ун ва ноннинг нархлари тахминан икки баробар ошди, бу эса аҳоли, айниқса қишлоқ аҳолисининг аксарият қисмини қийин аҳволга солгани аниқ. Шу ўринда вазиятни юмшатишга қаратилган жиддий бир имкониятдан фойдаланиш мумкинлигини таъкидлаб ўтмоқчиман. Гап шундаки, расмий статистик маълумотларга кўра саноат йўли ишлаб чиқариладиган нон маҳсулотлари ишлаб чиқариш йилдан йилга қисқариб бормоқда. Самарқанд шаҳрининг ўзида бир қатор нон маҳсулотлари ишлаб чиқаришга ихтисослашган корхоналар ўз фаолиятини тўхтатди ва бунга муайян иқтисодий-ташкилий омиллар сабаб бўлганини мутасадди шахслар жуда яхши тушунади. Бугунги куннинг энг долзарб вазифаларидан бири, бу ушбу соҳада вужудга келган вазиятни чуқур таҳлил қилиш, мавжуд корхоналарни реконструкция қилиш, лозим топилса янги корхоналарни ишга тушириш ҳисобига аҳолини сифатли ва чўнтакбоп нон маҳсулотлари билан таъминлашдир. Анъанавий тарзда нон ёпишни имкон қадар қисқартириш - энергия ресурслари, қишлоқ аёлларининг қимматли вақтини самарасиз ишлатилишини олдини олиниши билан бирга ҳаётий зарур бўлган маҳсулотни санитария-гигиена қоидаларига риоя қилиш йўли билан ишлаб чиқаришга кенг йўл очиб беради. Ҳисоб-китобларга кўра, ушбу таклиф ўзининг мантиқий якунини топган тақдирда, вилоят саноатида тахминан 8,0-10,0 минг янги иш ўринлари яратилиши, маҳаллий бюджетга салмоқли ҳажмдаги қўшимча даромадлар келиб тушиши кафолатланади.

Маҳаллий бюджетни шакллантиришда катта ўринга эга бўлган молиявий манбалардан бири – бу фойда солиғидир. Фойда - бу тадбиркорлик фаолиятини амалга оширишдаги энг олий мақсад эканлигини ҳам яхши биламиз. Фақат молиявий натижалар нафақат тадбиркорга, балки давлат ва жамият аъзоларига ҳам тенг хизмат қилиши лозим. Маҳаллий бюджет даромадларининг 355 млрд. сўми юридик шахслардан ундириладиган фойда солиғи ҳисобидан шаклланиши, бу эса ҳаттоки жисмоний шахслардан ундириладиган солиқдан 3 маротаба кам эканлиги, маҳаллий бюджетга тегишли муносабатлар, унинг ҳисоб-китобларида жиддий нуқсонлар мавжудлигини англатади. Бунинг объектив сабаблари борлигини ҳам тан олиш керак, албатта.

Минглаб саноат, қурилиш, хизмат кўрсатиш соҳаси ва бошқа юридик шаклдаги корхоналар фойда солиғи тўловчилари ҳисобланади. Солиқ инспекцияларида улар фаолиятини мониторинг қилиш, камерал назорат билан шуғулланадиган ходимлар саноқли эканлиги билан бирга, уларнинг камдан-кам қисми турли хил технологияларга асосланган ишлаб чиқариш харажатларини таҳлил қилиш қобилиятига эга. Шу сабабдан солиқ базасини ҳисоблаш ўта оғир масала эканлигини тушуниш қийин эмас. Тушунарсиз бўлган бошқа нарсалар бор. Мисол учун, Самарқанд шаҳри бўйича ҳисобланган фойда солиғининг атиги 10 фоизи унинг бюджетида қолдирилиши. Бундай шароитда шаҳарнинг иқтисодий блок ходимлари корхоналарнинг юқори рентабеллик билан ишлашига манфаатдор бўладими? Худди шунга ўхшаш бошқа бир мисол. Жисмоний шахслар даромад солиғининг  22 фоизи шаҳар бюджетида қолдирилиши ҳудудий иқтисодиётнинг ташкилий секторини кенгайтириш, сояги иқтисодиёт кўламини қисқартиришга манфаатдорлик йўқлигини билдиради.

Якуний хулоса сифатида қуйидагиларни таъкидлаш лозим.

Биринчидан, юқорида қайд этилган номутаносибликлар ва нуқсонлар марказлашган бошқарувнинг мантиқсиз асоратларидир.

Иккинчидан, ҳудудий иқтисодиёт ривожланиши учун тегишли, жумладан молиявий муносабатларга тегишли қоида, тартиб ва қонунлар замонавий талаблар даражасида ишлаб чиқарилмаган.

Учинчидан, маҳаллий бошқарув органларида ташаббускорлик етишмаслиги, боқимандалик кайфиятидан воз кечиш қийин кечаётгани натижасида ҳудудий иқтисодий фаолият  паст даражадаги самарадорлик билан амалга ошириляпти.

Умид қиламизки, ижтимоий давлат тамойилларига мос келадиган чора-тадбирлар яқин кунларда ишлаб чиқарилади ва улар 2023 йилнинг ишчи дастурида ўз аксини топади.        

Илҳом Вафоев,

иқтисодчи.

Теглар: Аграр соҳа

изоҳлар

29 Янв, 11:01
 
226
0
Zarnews.uz

Дональд Трамп сайловолди кампаниясини бошламоқда

Дональд Трамп сайловолди кампаниясини бошламоқда

Янгиликни кўриш

АҚШнинг собиқ президенти Дональд Трамп кеча, 28 январь куни илк сайлов митингларини ўтказди, икки ойдан кўпроқ вақт олдин у давлат раҳбари лавозими учун курашда иштирок этиш ниятини маълум қилган эди.

Associated Press хабарига кўра, у кунига иккита митинг ўтказиши керак: бири Нью-Гэмпширда, иккинчиси Жанубий Каролинада. Гап Республикачилар партиясининг праймеризларини биринчилардан бўлиб ўтказган штатлар ҳақида кетмоқда – Трампнинг уларга қизиқиши шундан.

Ҳозирча Трамп ўз партиясидан президентликка номзод бўлиш учун курашиш ниятини билдирган ягона республикачидир. Бироқ яқин ойларда унинг жиддий рақиблари пайдо бўлиши кутилмоқда.

Трамп 2020 йилги президентлик сайловларида ғалаба қозона олмади ва ҳозирги давлат раҳбари Жо Байденга ютқазди. Шу билан бирга, республикачи овоз бериш пайтидаги қонунбузарликлар унинг ғалаба қозонишига тўсқинлик қилганини ҳамон даъво қилмоқда. Ушбу мағлубиятга қарамай, Трамп бу йиллар давомида Республикачилар партиясининг энг нуфузли вакили бўлиб қолди.

Вазият 2022 йил ноябрида, Трамп томонидан қўллаб-қувватланган қатор сиёсатчилар АҚШ Конгрессига сайловда ғалаба қозона олмагач, бироз ўзгарди. Натижада, республикачилар акарият прогнозлардан фарқли ўлароқ, Сенатда кўпчилик ўринни қўлга кирита олмади ва катта қийинчилик билан Вакиллар палатасида кўп жойни эгаллади. Ўшанда АҚШ оммавий ахборот воситалари айнан Трамп туфайли партия ишончли ғалабага эриша олмаганини тахмин қилган эди. Сўровлар ҳам собиқ президентнинг рейтинги пасайганини, Десантиснинг эса машҳурлиги ошганини кўрсатган.

Бироқ, сўнгги ҳафталарда вазият ўзгара бошлади: Трамп бир нечта сўровларга кўра, республикачи электорат орасида рейтинг бўйича Десантисдан ишончли тарзда олдинда.

АҚШда президентлик сайловлари 2024 йилда бўлиб ўтади. Ундан олдин демократлар ҳам, республикачилар ҳам ўз номзодини танлаши керак бўлади.

изоҳлар

29 Янв, 09:01
 
290
0
Zarnews.uz

Чехияда президентлик сайловлари: Пётр Павел ғалабани нишонламоқда

Чехияда президентлик сайловлари: Пётр Павел ғалабани нишонламоқда

Янгиликни кўриш

Чехиядаги президентлик сайловларида Петр Павел ғалаба қозонди. Истеъфодаги НАТО генерали 58,32 фоиз овоз тўплади. Миллиардер ва собиқ бош вазир Андрей Бабисни сайловчиларнинг 41,67 фоизи қўллаб-қувватлаган.

15 минг сайлов участкасида овозларни санаш якунланди, сайловчиларнинг иштироки 70 фоиздан ошди.

"Бу сайловларда ҳақиқат, қадр-қиммат ва ҳурмат ғалаба қозонди", деди Петр Павел ўз тарафдорларига. Андрей Бабиш мағлубиятини тан олди.

Владимир Зеленский Твиттердаги саҳифасида сайланган президентнинг “Россия агрессиясига қарши курашда” қўллаб-қувватлаганини “қадрлашини” айтган.

61 ёшли сиёсатчи 9 март куни Парижда қасамёд қилади. У Москва билан яқинликни танқид қилинган Милош Земанни алмаштиради.

изоҳлар

29 Янв, 08:01
 
334
0
Xs.uz

Ўтган йилда енг кўп “Cобалт” автомобили ишлаб чиқарилган

Автомобил ишлаб чиқариш саноатида 2022-йилда ишлаб чиқарилган енгил автомобиллар сони очиқланди.

Янгиликни кўриш

Статистика агентлиги маʼлумотларига кўра, автомобил ишлаб чиқариш саноатида 2022-йилда ишлаб чиқарилган енгил автомобиллар сони:

— “Cобалт” - 101 617 дона

— “Лаcетти-Гентра” - 87 105 дона

— “Дамас” - 72 235 дона

— “Нехиа Т-250” - 22 245 дона

— “Спарк” - 14 464 дона

— “Траcкер” - 9 088 дона

— “Волксwаген Cаддй” - 423 дона

— Махсус енгил автомобиллар - 20 941.

изоҳлар

29 Янв, 08:01
 
324
0
Xs.uz

“Азал” авиакомпанияси Бокудан Урганчга парвозларни бошлади

2023-йил 28-январ куни маҳаллий вақт билан соат 22:33 да Озарбайжоннинг “Азал” авиакомпаниясининг самолёти Урганчга келиб қўнди. 

Янгиликни кўриш

2023-йил 28-январ куни маҳаллий вақт билан соат 22:33 да Озарбайжоннинг “Азал” авиакомпаниясининг самолёти Урганчга келиб қўнди. 

Боку — Урганч — Боку янги парвоз ўналишини очган бортида 99 нафар ўловчиси бўлган Аирбус А319 самолёти анʼанага кўра тантанали равишда кутиб олинди. Мунтазам рейслар ҳафтада бир марта — шанба кунлари амалга оширилиши режалаштирилган.

Еслатиб ўтамиз, Урганч Озарбайжон авиаташувчиси парвоз қила бошлаган Ўзбекистондаги тўртинчи шаҳар бўлди. Бокудан Тошкентга рейслар ҳафтасига икки марта — пайшанба ва якшанба кунлари мунтазам равишда амалга оширилади. Бокудан Самарқандга — сешанба ва пайшанба кунлари. Бокудан Фарғонага — пайшанба кунлари.

1992-йилда ташкил етилган Озарбайжон ҳаво ўллари (Азал) авиакомпанияси йирик авиаташувчи бўлиб, Боеинг ва Аирбус самолётларининг замонавий паркига ега бўлган МДҲ мамлакатлари авиатсия ҳамжамиятидаги етакчилардан бири ҳисобланади.

изоҳлар

28 Янв, 20:01
 
546
0
Xs.uz

Сурхондарёда баҳор даракчиси — бойчечак униб чиқди

Миллий табиат боғлари ва ов хўжаликлари бошқармаси “Юқори Тўпаланг” миллий табиат боғи Усточи беоб ҳудудида кунлар исиши билан баҳор фаслининг хабарчиси — бойчечак гуллари очилмоқда.

Янгиликни кўриш

Миллий табиат боғлари ва ов хўжаликлари бошқармаси “Юқори Тўпаланг” миллий табиат боғи Усточи беоб ҳудудида кунлар исиши билан баҳор фаслининг хабарчиси — бойчечак гуллари очилмоқда.

Айтиш жоизки, аномал совуқдан кейин кунлар исий бошлаши билан нафақат Сурхондарёда, балки бошқа ҳудудларимизда ҳам баҳор хабарчиси қийғос очилиб, юртимизга яшил гўзаллик бағишлаши шубҳасиз.

изоҳлар

28 Янв, 19:01
 
541
0
Xs.uz

Дзюдо: Обидхон Нўмонов Алмада Гран-приси ғолибига айланди

Чемпионлик баҳси қозоғистонлик Жансай Смагуловга қарши кечди.

Янгиликни кўриш

Дзюдо бўйича Ўзбекистон терма жамоаси аʼзоси Обидхон Нўмонов (-73 кг) Алмада Гран-приси ғолибига айланди. 

Чемпионлик баҳси қозоғистонлик Жансай Смагуловга қарши кечди. Ўзининг фаол ҳаракатлари билан ажралиб турган Нўмонов дастлаб вазари, сўнг иппон баҳосини қўлга киритиб, фаолиятида Гран-при турнирларидаги илк олтин медалга ега чиқди.

изоҳлар

28 Янв, 19:01
 
532
0
Xs.uz

Оилавий тадбиркорлик учун 12 триллион сўм

Мамлакатимиз ижтимоий-иқтисодий сиёсатининг асосий мақсади иш ўринларини кўпайтириш ва камбағалликни қисқартиришдир. Олиб борилаётган ислоҳотлардан кўзланган мақсад уларни камбағалликдан чиқариш, оиласи бюджетини бойитиш, ишли, ҳунарли қилишга қаратилган. 

Янгиликни кўриш

Мамлакатимиз ижтимоий-иқтисодий сиёсатининг асосий мақсади иш ўринларини кўпайтириш ва камбағалликни қисқартиришдир. Олиб борилаётган ислоҳотлардан кўзланган мақсад уларни камбағалликдан чиқариш, оиласи бюджетини бойитиш, ишли, ҳунарли қилишга қаратилган. 

Гап шундаки, камбағалликни қисқартириш бу – ночор оилаларга маблағ ажратиш, оиласи бир четини кўтариб юбориш билан ҳал етиладиган масала емас. Агар ночор ёки кам таʼминланган оилалар тадбиркорлик билан шуғулланиб, ўзлари моддий неʼмат яратмас екан, бу соҳада муайян натижаларга еришиб бўлмайди.

Президент Шавкат Мирзиёев раислигида 25-январ куни камбағалликни қисқартириш, аҳоли бандлигини таʼминлаш ва кичик бизнесни қўллаб-қувватлаш масалалари бўйича ўтказилган видеоселектор йиғилишида айнан ушбу масалалар кенг муҳокама қилинди.

Давлатимиз раҳбари еʼтибор қаратиш зарур бўлган ўналишларни кўрсатиб ўтди. Аввало, оилавий тадбиркорликка янада туртки бериш мақсадида молиявий кўмак кўлами кенгайтирилиши таʼкидланди. 2022-йилда бу мақсадга қарийб 10 триллион сўм имтиёзли кредитлар ажратилган еди. Жорий йилда оилавий тадбиркорлик дастури учун 12 триллион сўм ўналтирилади. Бундай кредитларнинг енг юқори миқдори ҳам оширилади. Албатта, оилавий тадбиркорлик учун ажратилётган бу кредитлардан фойдаланиб, фуқаролар ўз оиласи бюджетини мустаҳкамлайди, ўзига ҳам, юртга ҳам наф келтиради.

Бандликни таʼминлашда яна бир катта манба бу – зироатчилик. Икки йил ичида аҳолига 200 минг гектардан зиёд ер бўлиб берилмоқда. Лекин, айрим жойларда бу ишларга панжа орасидан қараляпти, екинлар плантатсия усулида екилмаяпти. Шу боис давлатимиз раҳбари ерларни аҳолига қулай жойлардан ажратиш, уларда бозорбоп маҳсулотлар етиштириш бўйича кўрсатмалар берди. Бу ерлардан самарали фойдаланиб, 1 миллиард долларлик маҳсулот ишлаб чиқариш мумкинлиги қайд етилди.

Маʼлумки, маҳаллаларда 300 та микромарказ ташкил етиш ишлари бошлаб юборилган. Президент бундай марказларни кўпайтириб, ишсиз аҳолининг ҳунармандлик ва тадбиркорлик билан шуғулланишига шароит яратиш муҳимлигига алоҳида еʼтибор қаратди. 

Ишончим комилки, аҳоли бандлигини таʼминлаш, кам даромадли кишиларни оилавий тадбиркорликка жалб қилиш борасидаги хайрли ташаббуслар жойларда жадаллик билан амалга оширилса, албатта, муайян натижаларга еришамиз. Бунда пастки бўғиндаги раҳбарлар, депутатлар ва кенг жамоатчилик ҳамкорликда астойдил иш олиб боришлари талаб етилади.

Ҳазратқул Хўжамқулов,

Олий Мажлис Қонунчилик палатаси депутати.

изоҳлар

28 Янв, 18:01
 
771
0
Xs.uz

Тошкент ҳайвонот боғига Қизил китобга киритилган қўнғир айиқ боласи олиб келинди

Айни чоғда у мутахассислар назорати остида, улар айиқчага қулайлик яратиш учун барча имкониятларни ишга солмоқдалар.

Янгиликни кўриш

Яқинда “Узун” давлат ўрмон хўжалиги ходимлари ҳудудларида ёлғиз кезиб юрган қўнғир айиқ боласини топиб олишган еди.

Кичкинтойнинг вазни жуда оз. Айиқлар одатда қишки уйқуга кетишдан олдин, совуқ ҳавода уларни ҳимоя қилиб, кўкламгача етиб олишга имкон берувчи қалин ёғ қатламини йиғишлари лозим еканлиги инобатга олсак, айиқча омон қолмаслиги мумкин еди.

Шунинг учун жониворни реабилитатсия марказига ўтказиш лозим деб топилди. Айни чоғда у мутахассислар назорати остида, улар айиқчага қулайлик яратиш учун барча имкониятларни ишга солмоқдалар.

изоҳлар

28 Янв, 18:01
 
763
0
Xs.uz

Ҳиндистонда 13-Миллий сайловчилар куни кенг нишонланди

Жорий йилнинг 25-январ куни Ҳиндистоннинг Янги Деҳли шаҳрида Ҳиндистон Миллий сайловчилар байрами ўтказилди. Тантали маросимда МСК Раиси З.Низомхўжаев ҳамда Матбуот котиби М.Алимбаевлар иштирок етди.

Янгиликни кўриш

Жорий йилнинг 25-январ куни Ҳиндистоннинг Янги Деҳли шаҳрида Ҳиндистон Миллий сайловчилар байрами ўтказилди. Тантали маросимда МСК Раиси З.Низомхўжаев ҳамда Матбуот котиби М.Алимбаевлар иштирок етди.

Мазкур сана сайловчиларнинг електорал маданиятини юксалтириш, ёшларда фуқаролик позитсиясини мустаҳкамлаш ҳамда сиёсий жараёнлардаги иштирокини инклюзив тарзда оширишга қаратилган миллий байрам ҳисобланади.

Ташриф доирасида МСК Раиси З.Низомхўжаев ва Ўзбекистон Республикасининг Ҳиндистон Республикасидаги Фавқулодда ва Мухтор елчиси Д.Ахатовнинг Ҳиндистон Сайлов комиссияси Раиси Раджив Кумар билан учрашуви ўтказилди.

Учрашувда З.Низомхўжаев Миллий сайловчилар куни муносабати билан ташкил етилган ушбу тадбирга таклиф етилганлиги ҳамда Ўзбекистон Республикаси Марказий сайлов комиссияси ва Ҳиндистон сайлов комиссияси ўртасидаги алоқаларни ривожлантиришдаги самарали ҳамкорлик учун самимий миннатдорчилик билдирди.

изоҳлар

28 Янв, 17:01
 
779
0
Zarnews.uz

Туркияда сайёҳлик автобуслари иштирокида иккита ЙТҲ содир бўлди

Туркияда сайёҳлик автобуслари иштирокида иккита ЙТҲ содир бўлди

Янгиликни кўриш

Сайёҳлар бўлган микроавтобус маҳаллий вақт билан соат 10.30 атрофида Гестерли қишлоғи яқинидаги трассада устунга бориб урилган. "Йўл транспорт ҳодисаси натижасида ҳайдовчи, гид ҳамда Бразилия, Колумбия, Мексика, Боливия, Уругвай, Аргентинадан 12 нафар сайёҳ жароҳат олди",  дейилади агентлик хабарида.

Жароҳатланганларга ёрдамга кетаётган тез ёрдам машинаси ҳам аварияга учраган. Ёмғирдан кейин муз туфайли ағдарилиб кетган транспортдаги олти шифокор жароҳат олган.

Тахминан шу вақтда Акташ провинциясида яна бир сайёҳлик микроавтобуси ағдарилиб кетиши натижасида 59 ёшли йўловчи ҳалок бўлган, 27 киши жароҳат олган.

изоҳлар

28 Янв, 17:01
 
799
0
Xs.uz

Нафақаларни “проактив шакл”да тайинлаш тизими жорий етилди

18 ёшгача ногиронлиги бўлган болалар ва одамнинг иммунитет танқислиги вируси келтириб чиқарадиган касалликка чалинган 18 ёшгача болаларга тўланадиган нафақаларни ҳамда парваришлаш нафақасини фуқаролардан қўшимча ҳужжатларни талаб етмаган ҳолда “проактив шакл”да тайинлаш тизими жорий етилди.

Янгиликни кўриш

18 ёшгача ногиронлиги бўлган болалар ва одамнинг иммунитет танқислиги вируси келтириб чиқарадиган касалликка чалинган 18 ёшгача болаларга тўланадиган нафақаларни ҳамда парваришлаш нафақасини фуқаролардан қўшимча ҳужжатларни талаб етмаган ҳолда “проактив шакл”да тайинлаш тизими жорий етилди.

Бунда Тиббий-ижтимоий експертиза комиссиялари ёки ОИВ қарши курашиш марказлари томонидан болада ногиронлик аниқланганда дастурий мажмуа орқали ногиронлиги мавжуд бола ва унинг қонуний вакили тўғрисидаги маʼлумотларни Пенсия жамғармасининг “Пенсия” дастурий мажмуасига юборади. “Пенсия” дастурий мажмуасида инсон омили иштирокисиз автоматик тарзда нафақа тайинланади ва фуқарога СМС тарзда хабар юборилади.

Бу орқали фуқароларнинг идорама-идора юриш каби оворагарчиликлари бекор қилинди.

изоҳлар