Hindistonning Kalkutta shahri mezbonlik qilgan 'Tata Steel Chess India' turniri oʻz yakuniga yetdi. Unda ishtirok etgan hamyurtimiz Nodirbek Abdusattorov kutilganidek muvaffaqiyatli ishtirok eta olmadi.

Rapid yoʻnalishida 4-oʻrin va blis yoʻnalishida 7-oʻrinni qoʻlga kiritgan oʻzbekistonlik shaxmatchi umumiy 2250 AQSH dollari pul mukofotiga ega chiqdi. Albatta, bu shaxmatchi bilan tuziladigan alohida kontraktdan tashqari kafolatlangan miqdor hisoblanadi.

Qayd etish kerakki, oltinchi bor oʻtkazilayotgan nufuzli musobaqaning mukofot jamgʻarmasi 41 ming 500 AQSH dollarini tashkil etardi. Dastlab rapid bahslarida ajoyib ishtirok etgan Abdusattorov 4-oʻrinni egallagan boʻlsada, barcha raqiblarini qiynab qoʻya oldi.

Umumiy natijalarga koʻra, Magnus Karlsen birinchi oʻrinni oldi va 10 ming dollar pul mukofotiga ega boʻldi. Nodirbek Abdusattorov esa 5 ochko bilan 4-oʻrinni egalladi va 2 ming dollar pul mukofotini qoʻlga kiritdi.

Kecha, 17-noyabr kuni blis bahslari yakunlandi. Bu yoʻnalishida ham Karlsenga teng keladigan shaxmatchi topilmadi. Norvegiyalik shaxmatchi 18 imkoniyatdan 13 ochko toʻplab, musobaqa gʻolibiga aylandi.