PSJ hujumchisi Kilian Mbappe “Real” bilan shartnoma imzolaganidan so‘ng 100 million yevrodan ko‘proq bonus oladi. Bu haqda insayder Fabritsio Romano o‘z X sahifasida ma’lum qildi.

Manbaga ko‘ra, Mbappega 100 million yevro besh yil davomida to‘lanadi.

Kilian joriy mavsum yakunida PSJni tark etadi. Mbappe faoliyatini qayerda davom ettirishi haqida hozircha rasmiy bayonot yo‘q, biroq OAVda u “Real” bilan 2029 yilgacha mo‘ljallangan shartnoma imzolashi haqida xabarlar tarqalmoqda. O‘z navbatida, “qaymoqranglilar” prezidenti Florentino Peres Karlo Anchelottining murabbiylar shtabiga Mbappe “Real Madrid”ning yangi futbolchisiga aylanishini ma’lum qildi.

25 yoshli hujumchi 2018 yilning yozida “Monako”dan PSJga o‘tgan edi. Bu davrda u barcha turnirlarda 306 ta uchrashuvda ishtirok etib, 255 ta gol urdi va 108 ta golli uzatmani amalga oshirdi.