Metrodagi tirbandliklarning oldini olish maqsadida poyezdlar harakati intervallari qisqartiriladi

“Toshkent metropoliteni” DUK rahbari “Toshkent metropoliteni” DUK tarkibiy tuzilmalarining rahbarlari bilan navbatdagi yigʻilishni oʻtkazdi. Bu haqda “Toshkent metropoliteni” DUK axborot xizmati xabar berdi.

Tirbandliklarni oldini olish, yoʻlovchilarga qulaylik yaratish, xizmat koʻrsatish sifatini oshirish, poyezdlar harakati oraliq intervallarini qisqartirish maqsadida, poyezdlar harakati jadvali qayta koʻrib chiqilishi aytildi. Metropoliten barcha yoʻnalishlarda “tigʻiz paytlarda” oraliq intervallarini maksimal darajada qisqartirish va barcha imkoniyatlardan foydalangan xolda qoʻshimcha harakat tarkiblari sonini koʻpaytirishni rejalashtirgan. 

Xususan, metropolitenning asosiy ish faoliyatiga taʼsir qilmagan xolda “Chilonzor” elektrodeposi tasarrufidagi harakat tarkiblari texnik koʻrikdan oʻtkazilib, hafta soʻnggiga qadar aniqlangan nosozliklar va amalga oshirilgan ishlar yuzasidan tasdiqlovchi foto suratlar ilova qilgan xolda maʼlumot taqdim etiladi.

Joriy yilning soʻnggi 6 oylik davrida qayd etilgan metropoliten harakat tarkiblarining texnik nosozlik tufayli liniyadan chetlatilganligi xolatlari soni, nosozlik sabablari, nosozlik qayd etilgan uskuna yoki tizimlar toʻgʻrisida tahliliy maʼlumot tayyorlab kiritish ham taʼkidlangan. Yer usti xalqa yoʻli qurilish ishlarining 2-bosqichi № 8-9-10-11- metro bekatilarining qurilish obyektiga qurilish montaj ishlar boʻyicha biriktirilgan ishchi guruhning har bir maʼsul xodimi tomonidan qurilish holatini puxta oʻrganib, hafta davomida aniqlangan va avval koʻrsatilgan lekin bartaraf etilmagan kamchiliklar boʻyicha maʼlumotlar, tasdiqlovchi foto suratlari ilova qilingan xolda sharxlari bilan tayyorlab taqdim etiladi.