Olti oyda fuqarolar 17,8 gektar yer maydonida noqonuniy qurilish qilgan

Bu viloyat prokurori J.Hotamovning xalq deputatlari viloyat Kengashining 69-sessiyasida bergan hisobotida qayd etilgan.

Unga ko'ra, joriy yilning 6 oyida o'tkazilgan yer xatlovlari davomida viloyat bo'yicha 1127 holatda 363 gektar yer maydoni o'zboshimchalik bilan egallab olinganligi aniqlangan.

Bugungi kungacha 212,4 gektarining qaytarilishi taʻminlangan. Shuningdek, 638 holatda 17,8 gektar yer maydoniga fuqarolar noqonuniy qurilish qilganligi aniqlanib, 57 holatda 0,6 gektardagi noqonuniy qurilmalar buzdirilgan.