Angliyaning nufuzli "Goal" nashri "Oltin to'p"ga daʻvogarlarning yangilangan reytingini eʻlon qildi.

Unga ko'ra, "Real Madrid" futbolchisi Karim Benzema "Oltin to'p" uchun kurashning yetakchisi bo'lib turibdi. Frantsiyalik futbolchidan keyingi o'rinni "Liverpul"ning ikki futbolchisi: Sadio Mane va Muhammad Saloh egallab turibdi.

Robert Levandovski deyarli butun mavsum davomida Karim Benzemadan so'ng "Oltin to'p"ga asosiy daʻvogar sifatida ko'rilgan edi. Biroq yangi reytingda polshalik futbolchi 4-pog'onada eʻtirof etilgan. Bunga uning Evropa Chempionlar ligasidagi omadsizligi sabab sifatida ko'rsatilmoqda.

"Oltin to'p"ga nomzod eng kuchli o'nta futbolchi bilan tanishing:

1.  Karim Benzema ("Real Madrid");

2.  Sadio Mane ("Liverpul");

3.  Muhammad Saloh ("Liverpul");

4.  Robert Levandovski ("Bavariya");

5.  Kilian Mbappe ("Real Madrid");

6.  Kevin de  Bryuyne ("Manchester Siti");

7.  Vinisius Junior ("Real Madrid");

8.  Luka Modrich ("Real Madrid");

9.  Fil Foden ("Manchester Siti");

10.  Trent Aleksandr Arnold ("Liverpul").

Maʻlumot o'rnida "Goal"ning reytingidan "Oltin to'p"ning 7 karra sohibi Lionel Messi va 5 karra dunyoning eng tengsiz futbolchisi Krishtianu Ronaldu joy olmagan.

Maʻruf Abdumalikov